Էրդողանը Բաքվում մասնակցում է «Քաղաքակրթությունների դաշինքի 7-րդ գլոբալ ֆորումին»

Միջազգային10:18, 26 Ապրիլ 2016

Էրդողանը Բաքվում մասնակցում է «Քաղաքակրթությունների դաշինքի 7-րդ գլոբալ ֆորումին»

Թուրքիայի նախագահ Ռեջեփ Թայիփ Էրդողանը մասնակցել է Բաքվում կայացած ՄԱԿ-ի «Քաղաքակրթությունների դաշինքի 7-րդ ֆորումի» բացմանը, որտեղ հանդես է եկել ելույթով:

Ըստ թուրքական «Anadolu» պետական լրատվական գործակալության` Թուրքիայի նախագահը խոսել է ահաբեկչության դեմ պայքարի, Սիրիայում տեղի ունեցող իրադարձությունների ու փախստականների ճգնաժամի մասին:

Վերջինս հայտարարել է, որ իսլամը խաղաղության կրոն է, և իսլամի անունից ահաբեկչություններ իրականացնողներն ու հատկապես ԻՊ-ը («Իսլամական պետություն» ահաբեկչական կազմակերպություն) իրենց կրոնի հետ կապ չունեն:

Էրդողանը մեղադրել է նաև միջազգային հանրությանը փախստականների խնդրին բավարար ուշադրություն չհատկացնելու մեջ: Վերջինս կրկին շեշտել է, որ իր երկրում Սիրիայից ու Իրաքից եկած 3 միլիոն փախստական կա, և իրենք արդեն 10 մլրդ դոլարի ծախսեր են արել փախստականների խնդիրները լուծելու համար:

Հատկանշական է, որ Էրդողանը միջազգային այս միջոցառման ժամանակ չի խոսել Ղարաբաղի խնդրի մասին և ևս մեկ անգամ իր կողմնակալ վերաբերմունքը չի արտահայտել այդ թեմայով:

Հիշեցնենք, որ Հայաստանը բոյկոտել է ՄԱԿ-ի «Քաղաքակրթությունների դաշինքի 7-րդ ֆորումը»:

Աղբյուր` Ermenihaber.am