Միջազգային07:59, 29 Ապրիլ 2016
Թուրքիային Շենգեն գոտու մուտքի արտոնագրերի տրմադրումն արգելող նախագիծ է մշակվել
Գերմանիայի և Ֆրանսիայի գլխավորությամբ նախագիծ է մշակվել, որը վերաբերում է ԵՄ-ի՝ Թուրքիային մուտքի արտոնագիր տրամադրելու ազատության սահմանմանը:
Թուրքական իշխանամետ «Sabah» պարբերականը, հղում անելով բրուսելյան «Politico» լրատվական կայքին, հայտնում է, որ նախագծի տեքստում առաջարկվել է մշակել համակարգ, որը ցանկացած պահի կարող է արգելել մուտքի արտոնագիր ստանալու արտոնությունը:
Գործող օրենքների համաձայն՝ Շենգեն գոտու մուտքի արտոնագրերի համար տվրող արտոնությունները չեղյալ հայտարարելու համար անհրաժեշտ գործընթացը տևում է մոտավորապես 9 ամիս, սակայն Թուրքիայի դեպքում կարող են ստեղծվել մեխանիզմներ, որոնք այս ժամկետը կկրճատեն:
Ըստ «Politico»-ի՝ նախագծի տեքստում արտոնությունների դադարեցման համար 3 հիմնական պատճառ է նշվում.
- Որպես զբոսաշրջիկ ԵՄ երկրներ գալով անօրինական բնակվողների թվի կտրուկ աճ:
- Արտոնություններ ստացած երկրից ապաստարան ստանալու դիմումների զգալի աճ:
- Արտոնություններ ստացած երկրի կողմից վերադարձողների պահանջների մերժում:
Նախագծի տեքստում նշվում է, որ առկա արտագաղթերը և փախստականների հոսքը պարտադրում է ստեղծել ազդեցիկ մեխանիզմներ, որոնք հնարավորություն կտան առկախել մուտքի արտոնագրերի տրամադրման արտոնությունները:
«Politico»-ն գրում է, որ ԵՄ անդամ երկրների կողմից այս նախագծի ընդունման դեպքում Թուրքիան պետք է միշտ համապատասխանի ԵՄ ստանդարտներին, որպեսզի ձեռք բերած արտոնությունները պահպանի:
Այս ենթաբաժնի վերջին նորությունները
Հաշվի են առնվել երկրների ռազմական կարողությունները, տեխնոլոգիական ենթակառուցվածքները և այլն։
Ստամբուլի օդանավակայանը օրական իրականացնում է միջինում 1624 թռիչք։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |