Հռոմում Թուրքիայի դեսպանատան առջև բողոքի ակցիա է անցկացվել

Միջազգային13:56, 02 Մայիս 2016

Հռոմում Թուրքիայի դեսպանատան առջև բողոքի ակցիա է անցկացվել

Մայիսի 1-ին Հռոմում Թուրքիայի դեսպանատան առջև բողոքի ակցիա է տեղի ունեցել: BBC-ի թուրքական ծառայության հաղորդմամբ` բողոքի ակցիային մասնակցել են փախստականների և մարդու իրավունքերի հարցերով զբաղվող ակտիվիստներ: Վերջիններս իրենց դժգոհությունն են արտահայտել Թուրքիայի և Եվրամիության միջև փախստականների վերաբերյալ ձեռք բերված համաձայնության կապակցությամբ:

Չնայած իտալացի անվտանգության աշխատակիցները չեն թույլատրել նրանց մոտենալ դեսպանատան շենքին, այնուամենայնիվ, ցուցարարները փողոցում վրաններ են խփել: Պաստառներ են ցուցադրել, որոնց վրա գրված են եղել` «Ոչ ոք հակաօրինական չէ», «Ոչ սահմաններին ոչ»: Նշվում է նաև, որ ցուցարարները Թուրքիայի նախագահ Ռեջեփ Թայիփ Էրդողանի դեմ վանկարկումներ են հնչեցրել:

Վերոնշյալ բողոքի ցույցին մասնակցել են նաև «Over the fortress» խմբի մի շարք անդամներ, որոնք նախկինում կրկին փախստականների հետ կապված բողոքի ցույց էին կազմակերպել Հունաստանում Իդոմենի փախստականների ճամբարում: Նրանք նաև բողոքի ակցիա էին կազմակերպել Իտալիայի և Ավստրիայի սահմանին գտնվող Բրեներո անցակետում:

Իսկ «Global Project» խումբի անդամներն էլ, որոնցից մի քանիսը մասնակցել է Հռոմում Թուրքիայի դեսպանատան առջև տեղի ուեցած բողոքին, ժամանակին հանդես են գալիս քուրդ ժողովրդի իրավունքների պաշտպանությամբ:

Աղբյուր` Ermenihaber.am