Թուրքիայում դժգոհ են Ֆրանսիայից. Փարիզում բացվել է քրդական կառույցի ներկայացուցչություն

Միջազգային12:59, 24 Մայիս 2016

Թուրքիայում դժգոհ են Ֆրանսիայից. Փարիզում բացվել է քրդական կառույցի ներկայացուցչություն

Ֆրանսիան աջակացություն է հայտնել Սիրիայում գործող քրդական «Ժողովրդավարական միություն կուսակցության» (ԺՄԿ-PYD)` վերջինիս թույլ տալով Փարիզում ներկայացուցչություն բացել: Թուրքիայում դժգոհ են Ֆրանսիայի այս քայլից, քանի որ PYD-ն նույնացնում են «Քուրդիստանի բանվորական կուսակցության» (PKK-ՔԲԿ) հետ, որն էլ Անկարայի կողմից ճանաչված է իբրև ահաբեկչական կազմակերպություն:

Թուրքական «Kanalahaber» լրատվական կայքը գրում է, որ Ֆրանսիան մեկ անգամ ևս ապացուցեց, թե որքան երեսպաշտ է, իսկ Թուրքիային ուղղված «ահաբեկչության դեմ պայքարում ձեզ հետ միասին ենք» խոսքերը՝ սուտ:

«Ֆրանսիայում ահաբեկչություններից դասեր չքաղող նախագահ Ֆրանուսա Օլանդը, տեղ տալով PKK-ին, ի ցույց է դնում Թուրքիայի հանդեպ իր թշնամանքը»,- գրում է թուրքական լրատվամիջոցը՝ Սիրիայում գործող քրդական կուսակցությունը համեմատելով «Իսլամական պետություն» ահաբեկչական կազմակերպության հետ:
Փարիզում ներկայացուցչության բացմանը մասնակցել է ֆրանսիացի պաշտոնյաներ: Ավելի վաղ նման ներկայացուցչություններ բացվել էին նաև Ռուսաստանում, Գերմանիայում, Շվեդիայում, Չեխիայում:

Աղբյուր` Ermenihaber.am