ՆԱՏՕ-ն Թուրքիայից պահանջել է մեծացնել ռազմական ծախսերը

Միջազգային08:27, 12 Հուլիս 2016

ՆԱՏՕ-ն Թուրքիայից պահանջել է մեծացնել ռազմական ծախսերը

Լեհաստանի մայրաքաղաք Վարշավայում տեղի ունեցած ՆԱՏՕ-ի գագաթաժողովից հետո 139 կետանոց ծանուցագիր է հրապարակվել:

Ըստ թուրքական ընդդիմադիր «Taraf» թերթի կայքի` դրանց շարքում է նաև դաշինքի անդամ երկրների ռազմական ծախսերը ազգային եկամտի 2 տոկոսից բարձր լինելու մասին ավելի վաղ ընդունված դրույթի կիրառումը, ինչը տարածվել է նաև Թուրքիայի վրա:

Ծանուցագրում նշվում է, որ ըստ ՆԱՏՕ-ի անդամ երկրներից միան ԱՄՆ-ի, Հունաստանի, Անգլիայի, Էստոնիայի և Լեհաստանի ռազմական ծախսերն են կազմում ավելին, քան այդ երկրների ազգային եկամտի 2 տոկոսը:

Թուրքական աղբյուրը, սակայն, սեփական հաշվարկներն է ներկայացնում երկրի ռազմական ծախսերի վերաբերյալ, որոնց համաձայն այդ ծախսերը հատում են ՆԱՏՕ-ի սահմանած 2 տոկոսանոց շեմը: Ըստ այդմ` 2013-ին Թուրքիայի ռազմական ծախսերը կազմել են 18.1 մլրդ, 2014-ին`17.7 մլրդ, 2015-ին`15.2 մլրդ դոլար, որոնք համապատասխանաբար կազմում են այդ տարիների եկամուտների 2.2, 2.22 և 2.11 տոկոսը:

Հաշվարկներից հետո հոդվածագիրը գալիս է այն եզրակացության, որ այս պարագայում ՆԱՏՕ-ի կողմից Թուրքիային առաջադրված նման պահանջը միայն մի նկատակ ունի. դաշինքը Թուրքիային ստիպում է ավելի շատ զենք գնել մյուս` ավելի հարուստ անդամ երկրներից` ինչն էլ, բնականաբար մեծ շահույթ է ապահովելու այդ երկրներին:

Աղբյուր` Ermenihaber.am