Էշ Շաբաբ իսլամիստական կազմակերպությունը Թուրքիային մեղադրել է Սոմալիի ժողովրդին թալանելու մեջ

Միջազգային08:32, 13 Հուլիս 2016

Էշ Շաբաբ իսլամիստական կազմակերպությունը Թուրքիային մեղադրել է Սոմալիի ժողովրդին թալանելու մեջ

«Ալ Քաիդա» ահաբեկչական կազմակերպության համախոհ համարող ծայրահեղ իսլամիստական «Էշ Շաբաբ» կազմակերպության առաջնորդ Ահմեդ Դիրիյեն հայտարարել է, որ Թուրքիան Սոմալիի ժողովրդի թշնամին է:

Թուրքական «Haber7» լրատվակայքը, հղում անելով «AFP» լրատվական գործակալությանը, նշում է, որ հուլիսի 12-ին Դիրիյեն ձայնային հաղորդագրություն է հրապարակել, որտեղ խոսում է նաև Թուրքիայի մասին:

Նշյալ ձայնային հաղորդագրության մեջ «Էշ Շաբաբ»-ի առաջնորդը խոսելով Թուրքիայի մասին, ասել է. «Թուրքիայի կառավարությունը այս ազգի թշնամին է: Սոմալիի տնտեսությունը այսօր նրանց միջամտության պատճառով ամբողջովին փլուզվում է: Թուրքիան Սոմալիի տնտեսությունը զավթել է»:

Նա հավելել է, որ թուրքական իշխանությունների նպատակը Սոմալիի ժողովրդին աղքատացնելն է:

Հիշեցնենք, որ 2013թ. հունիսի 27-ին Սոմալիի մայրաքաղաք Մոգադիշոյում թուրքական դեսպանատան վրա զինված հարձակում էր տեղի ունեցել, ինչի հետևանքով անվտանգության աշխատակիցներից մեկը զոհվել էր, ևս 3 ոստիկան վիրավորվել էին: Տեղի ունեցած հարձակման պատասխանատվությունը ստանձնել էր նույն «Էշ Շաբաբը» կազմակերպությունը:

Աղբյուր` Ermenihaber.am