Գերմանացի պատգամավորը լքել է թուրք-գերմանական խորհրդարանական խումբը

Միջազգային10:49, 13 Հուլիս 2016

Գերմանացի պատգամավորը լքել է թուրք-գերմանական խորհրդարանական խումբը

Գերմանիայում իշխող կոալիցիայի մաս կազմող «Քրիստոնյա - սոցիալիստական միություն» կուսակցության պատգամավոր Ռայներ Մայերը հրաժարվել է Բունդեսթագում թուրք-գերմանական խորհրդարանական խմբում իր զբաղեցրած դիրքից: Թուրքական իշխանամետ «Yeni Akit» թերթի կայքի տեղեկացմամբ՝ խորհրդարանական խմբի նախագահ Միշել Մյունթեֆերինգին ուղղված գրավոր հրաժարական դիմումում գերմանացի պատգամավորը մասնավորապես նշել է, որ Թուրքիայի հետ երկխոսությունն անիմաստ է համարում:

Թուրքիայի՝ Ինջիրլիք ռազմաբազայում գտնվող գերմանացի զինվորների հետ Բունդեսթագի պատգամավորների տեսակցությունն արգելելու վերաբերյալ Մայերը հետևյալ մեկնաբանությունն է արել. «Դա արդար հիմնավորում չունեցող, անիմաստ սադրանք է»:

Մայերը ընդգծել է, որ ինքը հիասթափված է նաև թուրք պատգամավորներից, որոնցից այս հարցում ավելի շատ աջակցություն էր ակնկալում:

Հիշեցնենք, որ հունիսի 2-ին Գերմանիայի դաշնային խորհրդարանը գրեթե միաձայն ընդունեց Հայոց ցեղասպանությունը ճանաչող բանաձևը: Դրանից հետո Թուրքիան արգելեց գերմանացի պատգամավորին՝ այցելել Ինջիրլիք ռազմաբազա, որտեղ ծառայում են նաև գերմանացի զինվորներ: Հուլիսի 8-9 ՄԱԿ-ի գագանաժողովի ընթացքում Գերմանիայի Կանցլեր Անգելա Մերկելին ևս չհաջողվեց Էրդողանից Ինջիրլիքի այցելության թույլտվություն ստանալ:

Աղբյուր` Ermenihaber.am