Էրդողանը դատապարտել է Նիցցայում տեղի ունեցած ահաբեկչությունը և զորակցություն հայտնել Ֆրանսիային

Միջազգային09:06, 15 Հուլիս 2016

Էրդողանը դատապարտել է Նիցցայում տեղի ունեցած ահաբեկչությունը և զորակցություն հայտնել Ֆրանսիային

Թուրքիայի նախագահ Ռեջեփ Թայիփ Էրդողանը խստորեն դատապարտել է Ֆրանսիայի Նիցցա քաղաքում հուլիսի 14-ի երեկոյան տեղի ունեցած ահաբեկչությունը, որը խլել է 84 մարդու կյանք:

Ցավակցելով զոհվածների ընտանիքներին և շուտափույթ ապաքինում մաղթելով վիրավորներին՝ Էրդողանը հայտնել է, որ Թուրքիան այս ծանր օրերին Ֆրանսիայի և ֆրանսիացի ժողովրդի կողքին է:

Ընդգծել է, որ Նիցցայում ահաբեկչական հարձակումը ևս մեկ անգամ ցույց տվեց, որ անհրաժեշտ է վճռական ու հետևողական կերպով պայքարել ահաբեկչության դեմ:

Ըստ նրա՝ ահաբեկչությունը կրոն, ռասա և ազգություն չունի, իսկ Նիցցայի դաժան ահաբեկչությունը կամակերպիչները ոչ մի առնչություն չունեն մարդկայնության հետ: Էրդողանն ակնկալում է, որ բոլոր նրանք, ովքեր ահաբեկչության նկատմամբ անվճռական դիրքորոշում ունեն, Նիցցայի դեքպերից անհրաժեշտ դասերը կքաղեն:

«Արդեն բոլորս պետք է տեսնենք, որ ահաբեկչական կազմակերպությունների համար տարբերություն չկա Թուրքիան է, թե Ֆրանսիան, Իրաքը, թե Բելգիան, Սաուդիան Արաբիան, թե Ամերիկան»,- շեշտել է Թուրքիայի նախագահը:

Հիշեցնենք, որ հուլիսի 14-ին ֆրանսիական Նիցցա քաղաքում բեռնատարը մխրճվել է Բաստիլի գրավման օրը նշող մարդկանց ամբոխի մեջ: Բեռնատարը մոտ 2 կիլոմետր անցել է՝ վրաերթի ենթարկելով մարդկանց: Նշվում է, որ մեքենայից նաև կրակել են մարդկանց ուղղությամբ: Զոհվել է 84 մարդ, վիրավորների թիվը հասնում է 100-ի:

Աղբյուր` Ermenihaber.am