Միջազգային արձագանքը Թուրքիայում տեղի ունեցած ռազմական հեղաշրջման փորձին

Միջազգային09:15, 16 Հուլիս 2016

Միջազգային արձագանքը Թուրքիայում տեղի ունեցած ռազմական հեղաշրջման փորձին

Աշխարհի մի շարք երկրնեի ղեկավարներ և կառույցներ արձագանքել են Թուրքիայում տեղի ունեցած ռազմական հեղաշրջման փորձին:

Ըստ «Deutsche Welle»-ի թուրքական ծառայության` ԱՄՆ-ի նախագահ Բարաք Օբաման Ազգային անվտանգության խորհրդի նիստին ունեցած ելույթի ժամանակ խորը մտահոգություն է արտահայտել տեղի ունեցածի կապակցությամբ:

Եվրամիության արտաքին հարաբերությունների և անվտանգության քաղաքականության հարցերով բարձր ներկայացուցիչ Ֆեդերիկա Մոգերինին էլ Թուրքիային հանդուրժողականության և զսպվածության կոչ է արել, միաժամանակ պահանջելով հարգանք ցուցաբերել դեմոկրատական կառույցների նկատմամբ: Մոգերինին տեղակացրել է նաև, որ Բրյուսելը մշտական կապի մեջ է Անկարայի հետ:

Որոշ երկրների բարձրաստիճան պաշտոնյաներ էլ Թուրքիայում տեղի ունեցածին արձագանքել են Twitter-ում: Մասնավորապես Իրանի Իսլամական Հանրապետության արտաքին գործերի նախարար Ջևադ Զարիֆը իր գրառման մեջ նշել է.

«Կայունությունը, ժողովրդավարությունը և անվտանգությունը Թուրքիայում ապրող մարդկանց համար առաջնահերթություն է»:

Գերմանիայի Բունդեսթագի (խորհրդարանի) ազգությամբ թուրք պատգամավոր, «Կանաչների կուսակցության» համանախագահ Ջեմ Օզդեմիրն էլ հետևյալ գրառումն է արել.

«Ի՞նչ ռազմական հեղաշրջում, ի՞նչ քաղաքացիական բռնապետություն: Թուրքիան այժմ դեմոկրատիայի կարիք ունի»:

Աղբյուր` Ermenihaber.am