Իսրայելի վարչապետը՝ թուրք-իսրայելական հարաբերությունների մասին

Միջազգային08:48, 18 Հուլիս 2016

Իսրայելի վարչապետը՝ թուրք-իսրայելական հարաբերությունների մասին

Իսրայելի վարչապետ Բենյամին Նեթանյահուն հայտարարել է, որ չնայած Թուրքիայում հուլիսի 15-ին տեղի ունեցած ռազմական հեղաշրջման փորձին, այնուամենայնիվ, սպասվում է, որ Թուրքայի և Իսրայելի միջև ստորագրված երկկողմ հարաբերությունների կարգավորման համաձայնագիրը կշարունակի ուժի մեջ մնալ:

Թուրքական «Habervaktim» լրատվական կայքը, հղում անելով Իսրայելի վարչապետի մամուլի ծառայությունից արված գրավոր հայտարարությանը, նշում է, որ Նեթանյահուն Թուրքիայում տեղի ունեցածի մասին խոսել է կառավարության նիստի ժամանակ:

Մասնավորապես ասել է. «Իսրայելի և Թուրքիայի միջև վերջերս ստորագված համաձայնագրով նախատեսված գործընթացը ենթադրում ենք, որ կշարունակվի՝ չնայած Թուրքիայում տեղի ունեցած դրամատիկ իրադարձություններին»:

Հիշեցնենք, որ հունիսի 27-ին Թուրքիան և Իսրայելը ստորագրել էին երկկողմ հարաբերությունների կարգավորման համաձայնագիր:

Աղբյուր` Ermenihaber.am