Էրդողանի հակառակորդ Գյուլենը հայտնել է, թե որ դեպքում կվերադառնա Թուրքիա

Միջազգային08:38, 24 Սեպտեմբեր 2016

Էրդողանի հակառակորդ Գյուլենը հայտնել է, թե որ դեպքում կվերադառնա Թուրքիա

Իսլամի հայտնի քարոզիչ, ամերիկաբնակ միլարդատեր Ֆեթուլլահ Գյուլենը, ում թուրքական իշխանությունները մեղադրում են հուլիսի 15–ին Թուրքիայում տեղի ունեցած ռազմական հեղաշրջման փորձի կազմակերպման մեջ, հարցազրույց է տվել «ZDF» պետական հեռուստալիքին:

Ըստ թուրքական «Yeniakit» թերթի կայքի` հարցազրույցի ժամանակ Գյուլենը նշել է,թե որ դեպքում կվերադռնա Թուրքիա: Դա կլինի, այն դեպքում, երբ նախ միջազգային հանձնաժողովը իր արտահանձման վերաբերյալ որոշում կայացնի, ինչպես նաև եթե դրան հավանություն տա ԱՄՆ-ն:

Միջանկյալ նշենք, որ թուրքական կառավարությունը Գյուլենին արտահանձնելու պահանջով պաշտոնապես դիմել էր ԱՄՆ-ին:

Աղբյուրը նշում է, որ պատրաստված ռեպորտաժում Գյուլենը ներկայացվում է, որպես «անմեղ» կրոնական գործիչ: Ռեպորտաժում տեղեկություններ են տրամադրվում Գերմանիայում գործող գյուլեական դպրոցների թվի վերաբերյալ, համաձայն որի Գերմանիայում գործում է ավելի քան 300 գյուլենական դպրոց:

Հիշեցնենք, որ ավելի վաղ Գյուլենը ֆրանսիական «La monde» պարբերականի համար հոդված է գրել, որտեղ նշել էր. «Ինձ ուղղված մեղադրանքների 10-ից թեկուզ 1-ը թող հիմնավորեն, երդվում եմ կվերադառնամ Թուրքիա»:

Աղբյուր` Ermenihaber.am