Չավուշօղլուն պատասխանել է վերջին ձերբակալությունների վերաբերյալ ԵՄ-ի քննադատություններին

Միջազգային10:16, 05 Նոյեմբեր 2016

Չավուշօղլուն պատասխանել է վերջին ձերբակալությունների վերաբերյալ ԵՄ-ի քննադատություններին

Թուրքիայի արտգործնախարար Մևլութ Չավուշօղլուն պատասխանել է ընդդիմադիր քրդամետ «Ժողովուրդների դեմոկրատական կուսակցության» (HDP-ԺԴԿ) պատգամավորների ձերբակալությունների պատճառով Եվրամիությունից Թուրքիայի հասցեին հնչող քննադատություններին:

Ըստ թուրքական «Doğan» լրատվական գործակալության` Չավուշօղլուն հայտարարել է, որ իրենք չեն ընդունում Եվրոպայի կողմից իրենց տրվող օրենքի գերակայության կամ ժողովրդավարության մասին դասերը:

Չավուշօղլուն մեղադրել է Եվրոպային քրդերի ինքնավարության համար Թուրքիայի դեմ պարտիզանական պատերազմ վարող «Քուրդիստանի բանվորական կուսակցությանը» (PKK-ՔԲԿ) աջակցելու մեջ:

«Մինչ այսօր չեմ լսել, որ որևէ մեկը PKK-ին կոչ անի դադարեցնել ահաբեկչական գործողությունները կամ HDP-ին կոչ անի տարածություն պահպանել ահաբեկչության և իր միջև: Ճիշտ հակառակը PKK–ական ահաբեկիչներն ազատորեն զբոսնում են Եվրոպայում ու փող հավաքում:

Ցավոք, ԵՄ երկրների մեծ մասն աջակցություն է ցույց տալից PKK–ին: Այժմ նրանք վեր են կացել և մեզ օրենքի գերակայության ու ժողովրդավարության մասին դասեր են տալիս: Մենք դա չենք ընդունում»,- ասել է Չավուշօղլուն:

Աղբյուր` Ermenihaber.am