Էրդողանը զանգահարել է Թրամփին և շնորհավորել

Միջազգային07:55, 10 Նոյեմբեր 2016

Էրդողանը զանգահարել է Թրամփին և շնորհավորել

Թուրքիայի նախագահ Ռեջեփ Թայիփ Էդողանը հեռախոսազրույց է ունեցել ԱՄՆ նորընտիր նախագահ Դոնալդ Թրամփի հետ: Էրդողանը շնորհավորել է Թրամփին՝ նախագահի պաշտոնում ընտրվելու կապակցությամբ և նոր պաշտնում հաջողություններ է մաղթել: Այս մասին տեղեկացնում է թուրքական «Sondakika» լրատվական կայքը:

Էրդողանը վստահություն է հայտնել, որ Թուրքիայի և ԱՄՆ-ի փոխադարձ հարգանքի, համատեղ շահերի և արժեքների վրա հիմնված դաշնակցական հարաբերությունները առաջիկայում էլ ավելի կամրապնդվեն:

Աղբյուրի տեղեկացմամբ՝ Էրդողանը և Թրամփն ահաբեկչության դեմ պայքարելու, տարածաշրջանային ու միջազգային խնդիրների շուրջ համագործակցելու վճռականություն են հայտնել:

Նշենք, որ Էրդողանը Թրամփին շնորհավորել էր նաև «Twitter» սոցցանցում՝ հետևյալ գրառմամբ. «Շնորհավորում եմ Դոնալդ Թրամփին, ով ԱՄՆ 45-րդ նախագահ է ընտրվել, և հույս ունեմ, որ հարաբերությունները ավելի կամրապնդվեն»:

Աղբյուր` Ermenihaber.am