Spiegel. Եվրամիությունը պատրաստվում է դադարեցնել Թուրքիայի հետ բանակցությունները

Միջազգային08:01, 12 Նոյեմբեր 2016

Spiegel. Եվրամիությունը պատրաստվում է դադարեցնել Թուրքիայի հետ բանակցությունները

Գերմանական «Der Spiegel» պարբերականը Թուրքիայի եվրաինտեգրման գործընթացի վերաբերյալ ուշագրավ լուր է հրապարակել: Թուրքական «Haberler» լրատվակայքի փոխանցմամբ՝ «Թաքուն հրաժեշտ» խորագիրը կրող հոդվածում գերմանական ամսագիրը առաջ է քաշել այն վարկածը, թե Եվրամիությունը (ԵՄ) պատրաստվում է դադարեցնել Թուրքիայի հետ բանակցությունները:

Ըստ աղբյուրի՝ ԵՄ-ն չի համարձակվում պաշտոնապես խզել հարաբերությունները Թուրքիայի հետ, սակայն այդ երկրի եվրաինտեգրման գործընթացը դադարեցնելու ուղղությամբ արդեն իսկ որոշակի քայլեր են արվում: Մասնավորապես, Թուրքիայի ԵՄ անդամակցության նախապատրաստությունների համար մինչև 2020թ. տրամադրվելիք 4.5մլրդ եվրոն արդեն օգտագործվում է այլ նպատակների համար:

Հայտնի է դարձել, որ այդ գումարները ԵՄ-ն կուղղի Թուրքիայում ապաստանած սիրիացի փախստականների աջակցությանը: Միաժամանակ կդադարեցվեն Թուրքիայում ԵՄ-ի հովանավորությամբ իրականացվող մի շարք նախագծեր: Դրանցից է, օրինակ, վերաքննիչ դատարանների կառուցման և զարգացման նախագիծը: Այդ նպատակով ԵՄ-ի կողմից տրամադրված 22մլն եվրոն հետ է պահանջվել Թուրքիայից ՝ այդ գումարների նպատակին չծառայեցվելու պատճառաբանությամբ:

Աղբյուր` Ermenihaber.am