Գերմանիայի հետախուզական ծառայության պետը հերքել է Չավուշօղլուի մեղադրանքները

Միջազգային07:24, 16 Նոյեմբեր 2016

Գերմանիայի հետախուզական ծառայության պետը հերքել է Չավուշօղլուի մեղադրանքները

Գերմանիայի հետախուզական ծառայության ղեկավար Հանս Ջորջ-Մաասենը պատասխանել է «Քուրդիստանի բանվորական կուսակցության» (PKK-ՔԲԿ) զինյալներին աջակցելու վերաբերյալ Թուրքիայի արտգործնախարար Մևլութ Չավուշօղլուի` Գերմանիային ուղղված մեղադրանքներին:

Ըստ թուրքական «Haberturk» թերթի կայքի` Մաասենը «Reuters» լրատվական գործակալությանը տված հարցազրույցում անհիմն է որակել PKK-ի զինյալներին օժանդակելու վերաբերյալ թուրքական կողմի մեղադրանքները: Մաասենը հայտարարել է, որ իրենք Թուրքիայի հետախուզական ծառայության հետ հաջող համագործակցություն են ծավալում ահաբեկչության դեմ` ավելացնելով, որ PKK-իհարցում ևս տարիներ շարունակ համատեղ պայքար են իրականացնում:

Գերմանացի պաշտոնյան, անդրադառնալով Թուրքիայում տեղի ունեցած հեղաշրջման փորձից հետո փոխադարձ հարաբերություններում առաջացած լարվածությանը, ասել է, որ հարաբերությունները չեն փչացել միայն առաջնահերթություններն են փոխվել 2 երկրների համար:

Հիշեցնենք, որ Թուրքիայի ատրգործնախարար Մևլութ Չավուշօղլուն օրերս հայտարարել էր, որ Գերմանիայում գտնվող 4500 PKK-ի անդամի դեմ իրենց կողմից դատական գործեր կան հարուցված, սակայն մինչ այժմ նրանցից միայն 3-ն է արտահանձնվել թուրքական կողմին:

Աղբյուր` Ermenihaber.am