Ֆրանս-ադրբեջանական միությունը դժգոհել է հայկական սփյուռքից

Միջազգային07:21, 26 Հունվար 2017

Ֆրանս-ադրբեջանական միությունը դժգոհել է հայկական սփյուռքից

Ֆրանսիացի պատգամավոր, ֆրանս-ադրբեջանական բարեկամության միության նախագահ Ժան-Ֆրանսուա Մանսելը դժգոհել է, որ սփյուռքահայերի ակտիվ քարոզչության պատճառով դժվարանում է իրենց գործունությունը:

Թուրքական իշխանամետ «Yeni Akit» թերթի կայքի տեղեկացմամբ՝ Մանսելն այս մասին խոսել է Փարիզում 1998թ. հիմնված «Ֆրանս-ադրբեջանական բարեկամության միության» տարեկան կոնգրեսի ժամանակ:

Նա նշել է, որ Ֆրասիայի մի շարք շրջաններում հայկական լոբբին խոչընդոտում է Ադրբեջանին նվիրված միջոցառումների կազմակերպման և ադրբեջանական մշակույթի տարածմանն ուղղված իրենց ջանքերը:

Պատգամավորը դժգոհել է նաև, որ այն վայրերում, որտեղ հատկապես մեծ թվով հայեր են բնակվում, այդ թվում՝ նաև Ֆրանսիայի հայաշատ շրջաններում, տեղական ինքնակառավարման մարմինների ներկայացուցիչները տարօրինակ են համարում այն, որ նա ղեկավարում է Ադրբեջանի հետ բարեկամության միությունը:

Ըստ Մանսելի՝ դա բացատրվում է նրանով, որ ՏԻՄ մարմիններն ընտրվում են հանրության կողմից, իսկ տվյալ տարածքում մեծ թիվ կազմող հայերը, իրենց քվեներն օգտագործելով, ճնշում են գործադրում այդ ընտրված պաշտոնյաների վրա:

Աղբյուր` Ermenihaber.am