ԱՄՆ-ի Կենտրոնական հետախուզական վարչության ղեկավարը կմեկնի Թուրքիա

Միջազգային12:28, 08 Փետրվար 2017

ԱՄՆ-ի Կենտրոնական հետախուզական վարչության ղեկավարը կմեկնի Թուրքիա

Փետրվարի 9-ին ԱՄՆ-ի Կենտրոնական հետախուզական վարչության նորանշանակ ղեկավար Մայք Փոմփեոն կմեկնի Թուրքիա: Ըստ թուրքական «Haberler» լրատվամիջոցի` սա Փոմփեոի առաջին արտագնա այցն է:

Աղբյուրը հատուկ ուշադրություն է դարձնում այն հանգամանքի վրա, որ նշյալ այցը կազմակերպվում է ԱՄՆ-ի նախագահ Դոլանդ Թրամփի և Ռեջեփ Թայիփ Էրդողանի միջև կայացած առաջին հեռախոսազրույցից անմիջապես հետո:

ԱՄՆ-ի Կենտրոնական հետախուզական վարչության ղեկավարը թուրք պաշտոնյաների հետ քննարկելու է մասնավորապես Սիրիայի քրդական ուժերի և գյուլենական համայնքի հետ կապված խնդիրները, որոնց պաշտոնապես համարում է ահաբեկչական կազմակերպություններ: Բացի դրանից կողմերը խոսելու են օրակարգային մի շարք այլ կարևոր հարցերի մասին:

Թուրքիայի և ԱՄՆ-ի նախագահների 45 րոպեանոց հեռախոսազրույցի ժամանակ կողմերը քննարկել են մասնավորապես «Իսլամական պետություն» ահաբեկչական կազմակերպության դեմ պայքարի հարցերը: