Ռուսաստանը, Իրանը և Թուրքիան ծրագրում են կրկին բանակցություններ անցկացնել Սիրիայի հարցով

Միջազգային08:09, 13 Փետրվար 2017

Ռուսաստանը, Իրանը և Թուրքիան ծրագրում են կրկին բանակցություններ անցկացնել Սիրիայի հարցով

Ռուսաստանի Դաշնությունը (ՌԴ), Թուրքիան և Իրանի Իսլամական Հանրապետությունը (ԻԻՀ) նախապատրաստական աշխատանքներ են իրականացնում Սիրիայի իշխանության և ընդդիմության միջև ևս մեկ հանդիպում կազմակերպելու համար:

«CNNturk» լրատվամիջոցի փոխանցմամբ` այդ մասին հայտարարել է ՌԴ արտգործնախարար Սերգեյ Լավրովը՝ մասնակցելով ռուսական «НТВ» հեռուստալիքով հեռարձակվող «Итоги недели» հաղորդմանը:

Նա տեղեկացրել է նաև, որ բանակցությունները կրկին կանցկացվեն Ղազախստանի մայրաքաղաք Աստանայում`փետրվարի 15-16-ին:

Հիշեցնենք, որ Սիրիայի իշխանության և ընդդիմության միջև կայացած նախորդ հանդիպումը կայացել էր Աստանայում հունվարի 23-24-ին:

Նշվում է, որ այս անգամ էլ երաշխավորող երկրները լինելու են Ռուսաստանը, Թուրքիան և Իրանը: Լավրովը նաև հայտնել է, որ ծրագրվող հանդիպմանը հրավիրվել են ԱՄՆ-ի և Հորդանանի իշխանությունների ներկայացուցիչները, ինչպես նաև ՄԱԿ-ում Սիրիայի հատուկ ներկայացուցիչ Ստեֆֆան դե Միստուրան: Ղազախստանի արտգործնախարարությունը արդեն իսկ կողմերին ուղարկել է հրավերները:

Աղբյուր` Ermenihaber.am