Միջազգային11:36, 06 Մարտ 2017
Guardian. Թուրքիայում մամուլի ազատության վիճակը վատթարանում է
Բրիտանական «Guardian» պարբերականի նախկին գլխավոր խմբագիր և սյունակագիր Փիթեր Փրեսթոնը քննադատական հոդված է գրել Թուրքիայի մամուլի ազատության իրավիճակի մասին:
Ըստ թուրքական «Sozcu» թերթի կայքի` հոդվածում հեղինակը նշում է, որ Թուրքիայում մամուլի ազատության վիճակը գնալով վատթարանում է:
Հեղինակը նախ հիշատակում է, որ վերջերս բրիտանացի լրագրող Ժերեմի Քորբինը Մեծ Բրիտանիայի վարչապետ Թերեզա Մեյի մասին սոցմեդիայում գրառում էր կատարել և դատապարտվել է 4 տարվա ազատազրկման:
Նշյալ որոշումը ծայրահեղ համարող մարդկանց, հոդվածագիրը կոչ է արել իրենց հայացքն ուղղել նաև Թուրքիայում մամուլի նկատմամբ իրականացվող ճնշումներին:
«Արդեն ակնհայտ է, որ նախագահ Էրդողանն ամբողջ ուժը կենտրոնացնում է իր ձեռքում»,- նշում է Փրեսթոնը: Ըստ նրա՝ մարդու իրավունքների պաշտպանության հարցերով զբաղվող կազմակերպությունները նշում են, որ Թուրքիայում անազատության մեջ է գտնվում ավելի քան հարյուր լրագրող:
Նրանք նաև արձանագրում են, որ Թուրքիայում 2016թ. հուլիսի 15-ին տեղի ունեցած ռազմական հեղաշրջման փորձից հետո մամուլի նկատմամբ ճնշումներն ավելի են ուժեղացել և ավելացել:
Նշվում է, որ մամուլի ազատությունն այն ոլորտն է, որտեղ Թուրքիան առավել հաճախ է քննադատության ենթարկվում ԱՄՆ-ի ու Եվրամիության (ԵՄ) կողմից:
Այս ենթաբաժնի վերջին նորությունները
Հաշվի են առնվել երկրների ռազմական կարողությունները, տեխնոլոգիական ենթակառուցվածքները և այլն։
Ստամբուլի օդանավակայանը օրական իրականացնում է միջինում 1624 թռիչք։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |