Համաշխարհային մամուլի անդրադարձը թուրք-հոլանդական ճգնաժամին

Միջազգային08:30, 14 Մարտ 2017

Համաշխարհային մամուլի անդրադարձը թուրք-հոլանդական ճգնաժամին

Համաշխարհային առաջատար լրատվամիջոցներն անդրադարձել են թուրք-հոլանդական հարաբերություններում ծագած լարվածությանը: Թուրքական «ntv.com.tr» լրատվակայքի տեղեկացմամբ՝ միջազգային մամուլում տեղ են գտել հետևյալ մեկնաբանությունները.

Բրիտանական «The Times»-ը մեղադրել է Հոլանդիայի վարչապետ Մարկ Ռյուտեին: Վերջինս, ցանկանալով ցույց տալ, որ կարող է կոշտ վերաբերմունք դրսևորել Թուրքիայի նկատմամբ, դրանով իսկ անուշադրաբար աջակցել է Գերտ Վիլդերսի նախընտրական արշավին (Վիլդերսը հայտնի է իր խիստ հակամուսուլմանական հայացքներով- խմբ.):

Ֆրանսիական «Le Monde» թերթը գլխավոր լուրով անդրադարձել է Թուրքիայի արտգործնախարար Մևլութ Չավուշօղլուի՝ Ֆրանսիայի Մեց քաղաքում անցկացրած նախընտրական հանրահավաքին: Աղբյուրը նշել է, որ Ֆրանսիայի կառավարությունը քննադատության է ենթարկվում այդ հանրահավաքը թույլատրելու համար:

Երկու երկրների միջև ծագած ճգնաժամն իր արձագանքն է գտել նաև հոլանդական մամուլում:

«Der Telegraph» թերթն իր գլխավոր էջում հրապարակել է մի լուսանկար, որտեղ երևում է, թե ինչպես է Ռոտերդամում տեղի ունեցած ցուցի ժամանակ ոստիկանական շունը կծում թուրք լրագրողին: Լուսանկարը ուղեկցվել է «Այստեղ տերը մենք ենք» մեկնաբանությամբ:

Ամերիկյան «New York Times» թերթը տեսակետ է հայտնել, որ Թուրքիայի և Հոլանդիայի միջև առաջացած ճգնաժամի պատճառով լրջորեն խաթարվում են Թուրքիա-Եվրոպա հարաբերությունները:

Աղբյուր` Ermenihaber.am