Սիրիայի փոխարտգործնախարար. «Թուրքիան Սիրիայի հարցով պահանջել է գաղտնի ժողով հրավիրել Թեհրանում»

Միջազգային10:34, 10 Ապրիլ 2017

Սիրիայի փոխարտգործնախարար. «Թուրքիան Սիրիայի հարցով պահանջել է գաղտնի ժողով հրավիրել Թեհրանում»

Թուրքիան պահանջել է, որ Թեհրանում սիրիական ճգնաժամի հարցով գաղտնի ժողով հրավիրվի` փակ դռների ետևում: Ըստ թուրքական «Haber.sol» լրատվամիջոցի` այդ մասին հայտարարել է Սիրիայի փոխարտգործնախարար Ֆայսալ Միքդադը «Sputnik» լրատվամիջոցի թուրքական ծառայության հետ զրույցում:

«Թուրքիայի կառավարությունը կազմակերպիչներից պահաջել է, որ մամուլի ներկայացուցիչները ներկա չգտնվեն ժողովին: Հավանաբար, չեն ցանկանում, որ լրատվամիջոցներն իմանան և իրազեկեն Անկարայի դիրքորոշման մասին»:

Ծրագրվում է գաղտնի ժողովը անցկացնել ապրիլի 18-ից մինչև 19-ը: Այսինքն Աստանայում Սիրիայի հարցով մայիսի 3-4 կայանալիք ժողովից առաջ:

Հիշեցնենք, որ Սիրիական ճգնաժամի կարգավորման հարցով միջազգային բարձր մակարդակի վերջին հանդիպումը տեղի էր ունեցել Աստանայում`մարտի 14-15 ընկած ժամանակահատվածում: Ժողովին մասնակցել էին Ռուսաստանի Դաշնության (ՌԴ), Թուրքիայի, Իրանի պատվիրակությունները, ինչպես նաև հրավիրվել էին ՄԱԿ-ի, ԱՄՆ-ի, Հորդանանի ներկայացուցիչները:

Աղբյուր` Ermenihaber.am