Միջազգային09:10, 10 Մայիս 2017
Թուրքիայի փոխվարչապետ. «ԱՄՆ-ն օգնում է PKK-ին»
Թուրքիան արձագանքել է Սիրիայի քրդերին զենք մատակարարելու վերաբերյալ ԱՄՆ-ի որոշմանը:
Փոխվարչապետ Նուրեթթին Ջանիքլին անընդունելի է համարել «Իսլամական պետություն» (ԻՊ) ահաբեկչական խմբավորման դեմ պայքարող քրդական «Ժողովրդի ինքնապաշտպանական ուժերին» (YPG) զինելը, քանի որ վերջինին Թուրքիայում դիտարկում են որպես «Քուրդիստանի բանվորական կուսակցության» (PKK-ՔԲԿ) սիրիական թև:
Ըստ թուրքական «Milliyet» թերթի կայքի` Ջանիքլին քրդական YPG-ին հեռահար զենքերով զինելն անընդունելի է համարել:
«ԱՄՆ-ը YPG-ի միջոցով ամեն կերպ օգնում է PKK-ին: Այդպիսի քաղաքականությունը ոչ ոքի համար չի կարող օգտակար լինել: Մենք սպասում ենք, որ այդ սխալն ուղղվի»:
Թուրքիայի փոխվարչապետը հույս է հայտնել, որ իրենք ամեն տեսակի դիվանագիտական միջոցներով փորձում են ԱՄՆ-ին համոզել` հետ կանգնել այդ սխալը և բարեկամներին արժանին մատուցել:
«ԻՊ-ի դեմ ցամաքային գործողությունը միայն YPG-ի հետ հաջող կանցնի» հիմնավորումը իրական չէ: Հույս ունեմ, որ այս սխալից հետ կկանգնեն»,- եզրափակել է Ջանիքլին:
Հիշեցնենք, որ ԱՄՆ նախագահ Դոնալդ Թրամփը հաստատել է Սիրիայում գործող քրդական ջոկատներին սպառազինելու ծրագիրը: Այդ մասին հայտնել է Պենտագոնը: ԱՄՆ ՊՆ-ն լիազորություններ է ստացել զինելու Սիրիայի քրդական ջոկատներին ամեն անհրաժեշտ սպառազինությամբ՝ երաշխավորելու համար ԻՊ հանդեպ հաղթանակը Ռաքքայում:
Այս ենթաբաժնի վերջին նորությունները
Հաշվի են առնվել երկրների ռազմական կարողությունները, տեխնոլոգիական ենթակառուցվածքները և այլն։
Ստամբուլի օդանավակայանը օրական իրականացնում է միջինում 1624 թռիչք։
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |