Գերմանիան ԱՄՆ-ից օգնություն է խնդրել Թուրքիայի հետ Ինջիրլիքի շուրջ վեճը հարթելու համար

Միջազգային09:15, 18 Մայիս 2017

Գերմանիան ԱՄՆ-ից օգնություն է խնդրել Թուրքիայի հետ Ինջիրլիքի շուրջ վեճը հարթելու համար

Գերմանիան ցանկանում է, որ ԱՄՆ-ն միջնորդական դեր ստանձնի Ինջիրլիքի ռամզաբազայի շուրջ Գերմանիայի և Թուրքիայի միջև առաջացած տարաձայնությունները հարթելու համար:

Թուրքական իշխանամետ «Sabah» թերթի կայքը հայտնում է, որ Գերմանիայի արտգործնախարար Սիգմար Գաբրիելը հանդիպել է ԱՄՆ պետքարտուղար Ռեքս Թիլերսոնի հետ և խնդրել է միջնորդել, որ Թուրքիան գերմանացի պատգամավորներին թույլ տա այցելել Ինջիրլիքում գտնվող գերմանացի զինվորներին:

Նա համազոված է, որ ԱՄՆ-ն իր հնարավորությունները կօգտագործի, որպեսզի իրենք հանդիպեն և բանակցեն թուրքերի հետ:

Հիշեցնենք, որ Գերմանիայի արտաքին գործերի նախարարը օրեր առաջ մեկնաբանել էր Թուրքիայի կողմից Ինջիլիքի ռազմաբազայում տեղակայված գերմանացի զինվորներին տեսակցելու թույլտվություն չտալու որոշումը:

Գաբրիելը նշել էր, որ Գերմանիան, չնայած բազմաթիվ վիրավորանքներին, միշտ փորձել է Թուրքիայի կառավարության հետ շփման ուղիները բաց պահել:

Նա նաև զգուշացրել էր Թուրքիային, որ եթե այդ երկիրը իր պահվածքը չփոխի, ապա Գերմանիան իր զինվորներին Թուրքիայից դուրս կբերի:

Աղբյուր` Ermenihaber.am