Պենտագոնը հաստատել է, որ Սիրիայի քրդերին զենք է մատակարարվում

Միջազգային11:25, 31 Մայիս 2017

Պենտագոնը հաստատել է, որ Սիրիայի քրդերին զենք է մատակարարվում

Մայիսի 30-ին Պենտագոնի երկու պաշտոնյա հայտարարել են, որ արդեն 1 օր է ինչ «Սիրիայի դեմոկրատական ուժերը» (Սիրիայի քրդական ուժեր) ԱՄՆ-ի կողմից ստանում են զենք ու զինամթերք:

Ըստ թուրքական «Ilerihaber» լրատվամիջոցի՝ նշյալ պաշտոնյաները, որոնց անունները չի հրապարակվում, չեն իրազեկել թե ինչ տեսակ զենքեր են մատակարարվել և ինչպես են դրանք հասցվել նշանակման վայր:

Միջանկյալ նշենք, որ «Սիրիայի դեմոկրատական ուժերի» կազմի մեջ են մտնում նաև Սիրիայի քրդական «Ժողովրդական ինքնապաշտպանության ջոկատը» (YPG), որոնց Թուրքիան համարում է ահաբեկչական կազմակերպություն:

Հիշեցվում է, որ ավելի վաղ ԱՄՆ-ի մի շարք պաշտոնյաներ նշել էին, որ Սիրիայի քրդական ուժերին տրամադրվելու են ինքնաձիգnեր, բուլդոզերներ, զրահաբաճկոններ, ինչպես նաև ռադիոկապի սարքավորումներ:

Իսկ YPG-ի ներկայացուցիչները հայտնում էին, թե ԱՄՆ-ն իրենց ուղարկելու է ականներ, հեռակառավարման հրթիռներ, զրահապատ մեքենաներ և նույնիսկ տանկեր:

Աղբյուրը հիշեցնում է, որ ԱՄՆ-ի նախագահ Դոնալդ Թրամփն անցած շաբաթ վավերացրեց Սիրիայի քրդական ուժերին զինելու որոշումը, ինչը արժանացավ Թուրքիայի նախագահ Ռեջեփ Թայիփ Էրդողանի կոշտ արձագանքին:

Աղբյուր` Ermenihaber.am