ԱՄՆ-ն և Գերմանիան Թուրքիայում գտնվող իրենց քաղաքացիներին զգուշության կոչ են արել

Միջազգային08:01, 13 Հուլիս 2017

ԱՄՆ-ն և Գերմանիան Թուրքիայում գտնվող իրենց քաղաքացիներին զգուշության կոչ են արել

Միացյալ Նահանգները և Գերմանիան Թուրքիայում գտնվող իրենց քաղաքացիներին նախազգուշացրել են հուլիսի 15-ին ռազմական հեղաշրջման փորձի տարելիցի կապակցությամբ սպասվող միջոցառումների և հնարավոր ռիսկային իրավիճակների մասին:

Ըստ թուրքական «Sozcu» թերթի կայքի՝ մասնավորապես Թուրքիայում ԱՄՆ-ի դեսպանությունը ամերիկացիներին կոչ է արել պահպանել զգոնությունը և հեռու մնալ ցույցերից, ինչպես նաև մարդաշատ վայրերից:

Գերմանիայի արտգործնախարարությունն էլ իր քաղաքացիներին է նմանատիպ կոչ արել՝ տեղեկացնելով, որ հուլիսի 15-ի կապակցությամբ Թուրքիայում նախատեսվում են ցույցեր, հանրահավաքներ և մի շարք այլ միջոցառումներ: Գերմանիան իր քաղաքացիներին խորհուրդ է տվել հեռու մնալ մարդաշատ վայրերից: Հայտարարությունում հիշեցվել է, որ Թուրքիայում դեռևս պահպանվում է արտակարգ դրությունը:

Հիշեցնենք, որ 2016-ի հուլիսի 15-ի ուշ երեկոյան Թուրքիայում ռազմական ճանապարհով պետական հեղաշրջման փորձ է կատարվել, որը, սակայն, հուլիսի 16-ի դրությամբ արդեն լիովին ճնշվել է: Օդուժի հարվածներով սկսված հեղաշրջման փորձի հետևանքով, ըստ պաշտոնական տվյալների, եղել է 248 զոհ և 2.196 վիրավոր:

Աղբյուր` Ermenihaber.am