Իսրայելը և Եգիպտոսը վայրէջքի թույլտվություն չեն տվել թուրքական ինքնաթիռին

Միջազգային13:52, 16 Մայիս 2018

Իսրայելը և Եգիպտոսը վայրէջքի թույլտվություն չեն տվել թուրքական ինքնաթիռին

Թուրքիայի փոխվարչապետ Ռեջեփ Աքդաղը հայտարարել է, որ իրենք ցանկացել են Պաղեստինում տեղի ունեցած բախումների հետևանքով վիրավորված արաբներին տեղափոխել Թուրքիա, սակայն չեն կարողացել: Աքդաղը պարզաբանել է, որ վիրավորներին տեղափոխելու գործողությունը պետք է կատարվի Իսրայելի կամ Եգիպտոսի տարածքով, սակայն այդ 2 երկրներից ոչ մեկը մինչև այս պահը Թուրքիային իր տարածքում ինքնաթիռ իջեցնելու թույլտվություն չի տրամադրել:

Թուրք պաշտոնյան հայտնել է, որ պաղեստինցի վիրավորներին օգնություն ցուցաբերելու նպատակով բանակցում են Առողջապահության համաշխարհային կազմակերպության ղեկավարության հետ:

Աքդաղը հայտարարել է, որ Գազայի հատվածում նույնիսկ սովորական իրավիճակներում մարդիկ զրկված են հիվանդանոցային մի շարք տարրական պայմաններից՝ մեղադրելով Իսրայելին գազանաբարո դիրքորոշում ունենալու մեջ:

Հիշեցնենք, որ ԱՄՆ-ի դեսպանատունը Թել-Ավիվից Երուսաղեմ տեղափոխելու հետևանքով Գազայում արաբների սկսսած բողոքի ակցիաների մասնակիցների նկատմամբ իսրայելական զինուժի գործողությունների 62 պաղեստինցի է զոհվել, վիրավորվել՝ ավելի քան 2770-ը:

Աղբյուր` Ermenihaber.am