Նորվեգիան դադարեցրել է Թուրքիայից ապաստանի հայտերի ընդունումը

Միջազգային15:59, 05 Հուլիս 2018

Նորվեգիան դադարեցրել է Թուրքիայից ապաստանի հայտերի ընդունումը

Նորվեգիայի միգրացիոն վարչությունը ժամանակավորապես դադարեցրել է Թուրքիայից ապաստանի դիմումների ընդունումը։ Վարչության պաշտոնակայքում տեղ գտած տեղեկության համաձան՝ Թուրքիայից ստացվող հայտերի թիվը հունիսին կտրուկ աճել է՝ եռակի գերազանցելով մայիսի արդյունքները։

Դրանք, ընդհանուր առմամբ, կազմում են բոլոր երկրներից ստացվող ապաստանի խնդրանքների շուրջ 50 տոկոսը։ Ներկայումս հայտերի ընդունումը առժամանակ դադարեցվել է։ Ուսումնասիրություններ կանցկացվեն չափից շատ հայտեր ստացող այլ երկրների մարտավարությունը պարզելու և համապատասխան լուծումներ գտնելու համար։

Նորվեգիայի միգրացիոն վարչությունը տեղեկացրել է, որ 2018թ․ առաջին կեսին ապաստանի խնդրանքի հիման վրա երկիր ներգաղթած փախստականների թիվը կազմել է 1․511։ 2017թ․ նույն ժամանակահատվածում այդ ցուցանիշը կազմել էր 2․382, 2016թ․՝ 1․703:

Թուրքիայից 2018թ․ առաջին վեց ամիսներին Նորվեգիայում ապաստան ստանալու խնդրանք է ներկայացրել 245 մարդ, որոնցից 142-ը՝ հունիսին։ Նորվեգիայի իշխանությունները տեղեկացնում են, որ տարվա ընթացքում ներկայացված հայտերի մեծ մասը հաստատվել են։ Ապաստան խնդրելու հիմնական պատճառը Թուրքիայում ահաբեկչական խմբավորում համարվող «FETÖ» -ի (Գյուլենական համայնք) հետ կապի մեջ մեղադրանքն է։

Աղբյուր` businessht.com.tr