Շվեդական կուսակցությունը խոստացել է ընտրվելու դեպքում հետ ուղարկել Թուրքիայից եկած փախստականներին

Միջազգային13:43, 03 Սեպտեմբեր 2018

Շվեդական կուսակցությունը խոստացել է ընտրվելու դեպքում հետ ուղարկել Թուրքիայից եկած փախստականներին

Շվեդիայում նախորդ տարի հիմնված «AFS» կուսակցությունը ընտրություններին ընդառաջ տեղի ունեցած հանրահավաքի ժամանակ խոստացել է ըտրվելու դեպքում հետ ուղարկել Թուրքիայից ու մի քանի այլ մուսուլմանական երկրներից եկած փախստականներին:

Նշվում է, որ հանրահավաքի ժամանակ օդանավակայաններում արվող ծանուցումների նմանությամբ բարձրախոսներից հայտարարվել է հետևյալը. «Թուրքիա, Աֆղանստան, Իրաք, Սիրիա, Ռումինիա, Սոմալի, Ուզբեկստան և Մարոկկո մեկնող ինքնաթիռները պատրաստվում են թռիչքի: Փախստականներն այլևս հետ չվերադառնալու պայմանով թող նստեն ինքնաթիռ և լքեն Շվեդիան»:

Ըստ թուրքական աղբյուրի՝ նույն այդ ժամանակ անցկացվել է մոտ 150 հոգանոց ակցիա, որոնք էլ վանկարկել են, թե չեն ցանկանում փողոցներում ռասիստներ տեսնել:

Նշվում է, որ «AFS» կուսակցությունը ստեղծվել է նախորդ տարի «Շվեդիայի ժողովրդավարական կուսակցությունից» հեռացված 3 ազգայնական պատգամավորների կողմից:

Աղբյուր` Sozcu