Էրդողանն ու Թրամփը երկկողմ հանդիպում կունենան Փարիզում

Միջազգային07:36, 24 Հոկտեմբեր 2018

Էրդողանն ու Թրամփը երկկողմ հանդիպում կունենան Փարիզում

Թուրքիայի նախագահ Ռեջեփ Թայիփ Էրդողանը նոյեմբերի 11-12-ին Փարիզում կայանալիք Խաղաղության վեհաժողովի մասնակցելու նպատակով կմեկնի Ֆրանսիա։

Վեհաժողովի շրջանակներում Էրդողանը նոյեմբերի 11-ին հանդիպում կունենա ԱՄՆ նախագահ Դոնալդ Թրամփի հետ։ Հանդիպման ժամանակ երկու երկրների միջև հարաբերություններից բացի անդրադարձ կկատարվի նաև Սիրիայի հիմնախնդրին, Իդլիբում և Մունբիչում տիրող իրավիճակին։ Ահաբեկչության դեմ պայքարի շրջանկաներում կքննարկվի Թուրքիայում ահաբեկչական համարվող Ֆեթհուլլահական խմբավորման (FETÖ) առաջնորդ, ամերիկաբնակ Ֆեթհուլլահ Գյուլենի արտահանձնման խնդիրը, ԱՄՆ-ի կողմից Սիրիայի քուրդ զինյալներին զենքի տրամադրման հարցը, ինչպես նաև՝ ԱՄՆ-ում կալանավորված թուրքական «Halkbank»-ի տնօրեն Հաքան Աթիլլայի վիճակը։

Փարիզի Խաղաղության վեհաժողովի շրջանակներում Էրդողանը երկկողմ հանդիպումներ կունենա նաև Ֆրանսիայի նախագահ Էմանուել Մակրոնի և Ռուսաստանի նախագահ Վլադիմիր Պուտինի հետ։

Հիշեցնենք, որ Թուրքիայում երկար ժամանակ կալանքի տակ գտնվող ՄԱՆ քաղաքացի, քահանա Էնդրյու Բրանսոնի ազատ արձակմամբ թուրք-ամերիկյան լարված հարաբերությունները սկսել են կարգավորվել։ Նախորդ շաբաթ Թուրքիայի նախագահը հեռախոսազրույց է ունեցել ԱՄՆ նախագահի հետ։ Կողմերը ընդգծել են, որ պատրաստ են կարգավորել և զարագացնել երկու երկրների միջև համագործակցությունը բոլոր ոլորտներում։

Աղբյուր` posta.com.tr