Հացադուլ հայտաարած քուրդ պատգամավորի հարցը բարձրաձայնվել է Շվեդիայի խորհրդարանում

Միջազգային12:19, 13 Փետրվար 2019

Հացադուլ հայտաարած քուրդ պատգամավորի հարցը բարձրաձայնվել է Շվեդիայի խորհրդարանում

Թուրքիայում բանտարկյալների կողմից հաճախակի հայտարարվող հացադուլների հարցը բարձրաձայնվել է Շվեդիայի խորհրդարանում։

Շվեդիայի իշխանամետ «Սոցիալ-դեմոկրատական աշխատավորական» կուսակցության պատգամավոր Քադըր Քասըրգան խորհրդարանում խոսել է Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) բանտարկված պատգամավոր Լեյլա Գյուվենի մասին, ով 98 օր է արդեն հացադուլ է անում։

Հացադուլի մի մասը Գյուվենն անցկացրել է բանտում, այնուհետև նրան պայմանականորեն ազատ են արձակել, բայց պատգամավորը շարունակում է հացադուլը։ Գյուվենը հացադուլի միջոցով իր բողոքն է արտահայտում «Քուրդիստանի բանվորական կուսակցության» առաջնորդ, ցմահ ազատազրկման դատապարտված Աբդուլլահ Օջալանի և առհասարակ բոլոր քաղբանտարկյալների մեկուսացման դեմ։

Պատգամավորը Շվեդիայի կառավարության կոչ է արել, որ Գյուվենի հարցը բարձրաձայնի Եվրամիության անդամ երկրների ժողովների ժամանակ։

Անդրադառնալով Թուրքիայում առկա քրդական հիմնախնդրին, պատագամավորը շեշտել է, որ HDP-ն և Օջալանը կարևոր գործոններ են Թուրքիայի կառավորության և PKK-ի միջև խաղաղություն հասնելու գործում։

Թուրքիա-Եվրամիություն հարաբերությունների մասին Քասըրգան ասել է, որ Թուրքիայում պետք է հարգվեն մարդկանց իրավունքները և խոսքի ազատությունը, քանի որ Անկարան հավակնում է դառնալ ԵՄ անդամ երկիր։ Ըստ նրա՝ դրա համար անհրաժեշտ է, որ Թուրքիան համապատասխանի կոպենհագենյան չափանիշներին և Եվրոխորհրդարանի մարդու իրավունքների պաշտպանության վերաբերյալ համաձայնագրի դրույթներին։

Վերջում պատգամավորը հացադրում է հղել իշխանությանը, ասելով, թե արդյո՞ք Շվեդիայի կառավարությունը, հանդես կգա նախաձեռնությամբ, որը կօժանդակին, որպեսզի Թուրքիան համապատասխանի նշյալ չափանիշներին։

Աղբյուր` Demokrathaber