Թուրքիայից Լիբիա շարժվող բեռնանավը զենքի արգելանքի ստուգում չի անցել

Միջազգային12:20, 11 Հունիս 2020

Թուրքիայից Լիբիա շարժվող բեռնանավը զենքի արգելանքի ստուգում չի անցել

Թուրքիայից Լիբիա շարժվող բեռնանավը Կրետե կղզու մոտակայքում հայտնվել է հունական ֆրեգատի ուշադրության կենտրոնում։ Լիբիա ուղարկվող զենքի արգելանքի (էմբարգո) վերահսկման շրջանակներում ընթացող օպերացիայի փաստարկով հունական կողմը ցանկացել է կանգնեցնել բեռնանավը և ստուգել։

Օպերացիան ղեկավարող իտալացի հրամանատարը Հունաստանի օդուժին պատկանող նավից ուղղաթիռ բարձրացրել դեպի հիշյալ բեռնանավը։ Հենց հունական ուղղաթիռը մոտեցել է Տանզանիայի դրոշով և «Çirkin» անվանումով բեռնատար նավին, իրավիճակին միջամտել է Թուրքիայի ռազմածովային նավատորմը։

Թուրքական ֆրեգատից հունական կողմին զգուշացրել են, որ բեռնանավը գտնվում է Թուրքիայի պետական պահպանության ներքո։ Այդ իրազեկումից հետո իտալացի հրամանատարը ուղղաթիռը հետ քաշելու հրաման է տվել, իսկ բեռնանավը Թուրքիայի ռազմածովային ուժերին պատկանող 3 ռազմանավի ուղեկցությամբ շարունակել է շարժվել դեպի Լիբիայի ափեր։