Թուրքիան և Սերբիան համագործակցության 7 փաստաթուղթ են ստորագրել

Միջազգային18:16, 07 Սեպտեմբեր 2022

Թուրքիան և Սերբիան համագործակցության 7 փաստաթուղթ են ստորագրել

Թուրքիայի նախագահի աշխատակազմի հանրային կապերի վարչությունը հայտնել է, որ Թուրքիայի նախագահ Ռեջեփ Թայիփ Էրդողանի՝ Սերբիա կատարած այցի շրջանակներում երկու երկրների միջև ստորագրվել է 7 փաստաթուղթ։

Կողմերը համագործակցային պայմանավորվածության
են եկել ներքոնշյալ ոլորտներում։

1. Արձանագրություն 2010թ. ստորագրված մուտքի արտոնագրերի փոխադարձ վերացման պայմանագրում փոփոխություններ կատարելու մասին:

2. Պայմանագիր ներդրումների փոխադարձ խրախուսման և պահպանման մասին:

3. Պայմանագիր տեխնոլոգիաների նորարարության ոլորտում համագործակցության մասին:

4. Փոխըմբռնման հուշագիր անտառային հրդեհների դեմ պայքարում համագործակցության մասին:

5. Փոխըմբռնման հուշագիր հաղորդակցության և մեդիաոլորտում համագործակցության մասին:

6. Փոխըմբռնման հուշագիր երկու երկրների հանրային ծառայությունների մատուցման առցանց հարթակների միջև համագործակցության մասին:

7. Արձանագրություն Թուրքիայի և Սերբիայի հեռուստառադիոընկերությունների միջև համագործակցության մասին:

Աղբյուր` iletisim.gov.tr