Ուկրաինայի նախագահն Էրդողանի հրավերով մեկնել է Թուրքիա

Միջազգային17:00, 07 Հուլիս 2023

Ուկրաինայի նախագահն Էրդողանի հրավերով մեկնել է Թուրքիա

Թուրքիայի նախագահ Ռեջեփ Թայիփ Էրդողանի հրավերով հուլիսի 7-ին աշխատանքային այցի շրջանականերում Թուրքիա է մեկնել Ուկրաինայի նախագահ Վլադիմիր Զելենսկին։ Այցի շրջանակում կկայանա նախագահների զրույցը և պատվիրակությունների միջև հանդիպումը։

Կողմերը կքննարկեն ռուս-ուկրաինական պատերազմի վերջին զարգացումները, «Հացահատիկային միջանցքի» համաձայնագիրը և թուրք-ուկրաինական հարաբերությունները։

Թուրքիայի պաշտպանության նախարարության մամուլի և հասարակայնության հետ կապերի գծով խորհրդական Զեքի Աթաթուրքը հայտնել է, որ արտգործնախարարության հետ համաձայնեցնելով՝ շարունակվում են ՄԱԿ-ի, Ռուսաստանի և Ուկրաինայի շփումները՝ կապված «Հացահատիկային միջանցքի» համաձայնագրի ժամկետի երկարաձգման հետ (ժամկետը կլրանա հուլիսի 17-ին)։

Համաձայնագրի ժամկետի երկարաձգման հարցում Ռուսաստանը դեռ վարանում է։ Նա նաև հայտնել է, որ 32 մլն հացահատիկ ուկրաինական նավահանգիստներից բազմաթիվ նավերով փոխադրվել և մատակարարվել է համաշխարհային շուկա։

Պաշտոնական Կրեմլի տեղեկացմամբ՝ Զելենսկու այցից հետո Ռուսաստանում սպասվում է Էրդողան-Պուտին հանդիպումը, սակայն օրը դեռևս հստակեցված չէ։

Աղբյուր` ahaber.com.tr