Ջո Բայդեն․ «Շվեդիան պետք է լինի ՆԱՏՕ-ի անդամ»

Միջազգային14:01, 10 Հուլիս 2023

Ջո Բայդեն․ «Շվեդիան պետք է լինի ՆԱՏՕ-ի անդամ»

ԱՄՆ նախագահ Ջո Բայդենը CNN-ին տված հարցազրույցում անդրադարձել է Շվեդիայի անդամակցությանը ՆԱՏՕ-ին և նշել, որ Շվեդիան պետք է լինի ՆԱՏՕ-ի անդամ ու թեև փոքր երկիր է, բայց կարողանում է պաշտպանվել և ՆԱՏՕ-ի անդամների հետ կրում է նույն արժեքները։

Բայդենը Շվեդիայի ՆԱՏՕ-ի անդամացության վերաբերյալ մասնավորապես նշել է․ «Քաջատեղյակ եք, որ անդամակցությանը Թուրքիան է խոչընդոտում։ Շվեդիան և Թուրքիան Ղուրանի այրման հետ կապված որոշ իրավական պայմանավորվածություններ են ձեռք բերում, իսկ Ղուրան այրողներն էլ շվեդ չեն, այլ՝ ներգաղթյալներ»։

Անդրադառնալով Թուրքիային, որը ցանկանում է արդիականացնել իր F-16 կործանիչները և օգնություն խնդրող Հունաստանի վարչապետ Միցոտակիսին՝ Բայդենը նշել է, որ ցանկանում է կոնսորցիում անել։

Նա մանավորապես նշել է․ «Մենք ցանկանում ենք բարձրացնել ՆԱՏՕ-ի ռազմական ուժը թե՛ Թուրքիայում և՛ թե Հունաստնում։ Նաև ցանկանում ենք Շվեդիային դարձնել ՆԱՏՕ-ի անդամ։ Սա մի խաղ է, և խաղը շարունակվում է, այն դեռ ավարտված չէ»։

Իր հերթին Թուրքիայի նախագահ Էրդողանը վերջին շրջանում կատարած հայտարարություններում նշել է, որ Շվեդիայի անդամացությունը ՆԱՏՕ-ին կապված չէ F-16-ի վաճառքի հետ և ընդգծել, որ ճիշտ չէ այդ երկուսը իրար կապել։

Աղբյուր` sozcu.com.tr