Միջազգային մամուլն անդրադարձել է Էրդողան-Սիսի հանդիպմանը

Միջազգային16:02, 15 Փետրվար 2024

Միջազգային մամուլն անդրադարձել է Էրդողան-Սիսի հանդիպմանը

Թուրքիայի նախագահ Ռեջեփ Թայիփ Էրդողանը Եգիպտոս կատարած այցի ընթացքում հանդիպել է Եգիպտոսի նախագահ Աբդել Ֆաթթահ Ալ-Սիսիի հետ։ Հանդիպման ընթացքում կողմերը ստորագրել են երկու երկրների միջև բարձր մակարդակի ռազմավարական համագործակցության խորհրդի նիստերի կարգավորման համատեղ հռչակագիր։

Նախագահների հանդիպմումը մեծ արձագանք է գտել միջազգային մամուլում։ Մասնավորապես արաբական «Al Jazeera»-ն Էրդողանի եգիպտոսյան այցը մեկնաբանել է որպես «Նոր շրջադարձային կետ»։ «Times» պարբերականում այցի վերաբերյալ նշվել է հետևյալը՝ «Էրդողանը, ով այցելել է Կահիրե, ասել է, որ Թուրքիան կհամագործակցի Եգիպտոսի հետ Գազայի վերակառուցման հարցում»։ «Bloomberg»-ի նշմամբ՝ «Էրդողանը Կահիրե կատարած այցով վերականգնում է Եգիպտոսի հետ հարաբերությունները»։

Այցին անդրադարձել է նաև չինական «Xinhua» պարբերականը և հանդես եկել հետևյալ վերանգրով՝ «Թուրքիայի նախագահ Էրդողան մեկնել է Եգիպտոս Գազայի դեմ Իսրայելի պատերազմի ընթացքում»։

Իսկ հունական «Kathimerini» թերթն այդ այցին անդրադարձել է հետևյալ կերպ. «Մեծ քայլ երկու տարածաշրջանային ուժերի միջև կապերի վերականգնման գործում», ինչպես նաև նշվել է, որ Թուրքիան Եգիպտոսին կարող է վաճառել անօդաչու թռչող սարքեր։

Ըստ «Reuters» գործակալության էլ՝ Էրդողանը հայտնել է, որ Գազայի հարցում Թուրքիան պատրաստակամ է համագործակցել Եգիպտոսի հետ։

Աղբյուր` turkiyegazetesi.com.tr