Թուրքիան և Սիրիան կստորագրեն ծովային իրավասության համաձայանգիր

Միջազգային14:12, 23 Հուլիս 2025

Թուրքիան և Սիրիան կստորագրեն ծովային իրավասության համաձայանգիր

Թուրքիան և Սիրիան սկսել են աշխատանքներն Արևելյան Միջերկրականում ծովային իրավասության համաձայանգրի շուրջ։ Ըստ այդ համաձայնագրի՝ Թուրքիան կամրապնդի դիրքերը Արևելյան Միջերկրականում ու նաև կպաշտպանի Հյուսիսային Կիպրոսի ինքնահռչակ թուրքական Հանրապետության (ՀԿԹՀ) շահերը։

Աղբյուրի նշմամբ՝ մինչ Հունաստանը և Կիպրոսը շարունակում են առարկել 2020-ին Թուրքիայի ու Լիբիայի միջև Միջերկրականում ծովային իրավասության տարածքների սահմանազատման համաձայնագիրը, Թուրքիան այժմ Սիրիայի հետ է աշխատանքներ տանում։

Թուրքիայի արտաքին գործերի նախարար Հաքան Ֆիդանն անդրադարձել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասի այն հայտարարությանը, ըստ որի՝ Թուրքիան պարտավորվել է չստորագրել Սիրիայի հետ բացառիկ տնտեսական գոտու մասին համաձայնագիր։

Ֆիդանը նշել է, որ դա չի համապաստախանում իրականությանը և հավելել, որ Թուրքիայի և Սիրիայի միջև ծովային սահմանները և տարածքային ջրերից անդին գտնվող ծովային իրավասության սահմաննները դեռևս որոշված չեն։

Ֆիդանը նաև շեշտել է , որ Եվրամիությունը ձայն չունի երկու ինքնիշխան երկրների միջև իրենց ծովային իրավասության վերաբերյալ որևէ հնարավոր համաձայնագրի հարցում։