Ուկրաինական մամուլ. «Թուրքիան կարող է վերածվել Մոսկվային զսպող ամենամեծ ուժի»

Միջազգային14:12, 18 Օգոստոս 2025

Ուկրաինական մամուլ. «Թուրքիան կարող է վերածվել Մոսկվային զսպող ամենամեծ ուժի»

Ուկրաինական «Euromaidan Press» լրատվական կայքում վերլուծական հոդված է հրապարկվել ռուս-ուկրաինական հակամարտության և Ռուսաստանի ու Ադրբեջանի միջև լարված հարաբերությունների վերաբերյալ։

Նկարագրելով ներկայիս ռուս-ադրբեջանական հարաբերությունները և Ուկրաինայում գտնվող ադրբեջանական «SOCAR» նավթագազային ընկերության օբյեկտների վրա ՌԴ-ի հարձակումը՝ նշվում է, որ այդ հարձակումը սրել է լարվածությունը Հարավային Կովկասում և փոխել ուժերի հավասարակշռությունը տարածաշրջանում։ Մինչ Բաքուն սպառնում էր զենք ուղարկել Կիև, կայքը պնդում է, որ «Թուրքիայի կողմից Ադրբեջանում մշտական ռազմուժի տեղակայման նախապատրաստությունները ցնցում են տարածաշրջանը»։

«Euromaidan Press»-ի նշմամբ՝ Ադրբեջանը 2022-ից ի վեր արտադրում է 122մմ և 155մմ հրետանային արկեր՝, որոնք անհրաժեշտ են Ուկրաինային։ Մասնավորապես շեշտվում է, որ «Բաքուն բացի հումանիտար օգնությունից նաև օրակարգ է բերել Ուկրաինա զենք ուղարկելու հնարավորությունը»։

Անդարադառնալով Թուրքիայի դերին՝ կայքը նշում է, որ Թուրքիան կարող է վերածվել Մոսկվային զպսող ամենամեծ ուժի»՝ մեծացնելով իր ռազմական ազդեցությունն Ադրբեջանի վրա։

«Բայց եթե Ռուսաստանը ցանկանա պատժել Ադրբեջանին, կարող է նրան Թուրքիայի և Ուկրաինայի հետ մղել նույն ճակատ։ Այս իրավիճակը կարող է ռազմավարական հետևանքներ ունենալ»։

Աղբյուր` turkiyegazetesi.com.tr