Թուրք-շվեդական գաղտնի փաստաթղթերը՝ Ստոկհոլմի օդանավակայանի զուգարանում

Միջազգային11:13, 26 Օգոստոս 2025

Թուրք-շվեդական գաղտնի փաստաթղթերը՝ Ստոկհոլմի օդանավակայանի զուգարանում

2022-ի նոյեմբերին Շվեդիայի վարչապետ Ուլֆ Քրիստերսոնը ՆԱՏՕ-ին անդամակցելու գործընթացի շրջանականերում հանդիպել էր Թուրքիայի նախագահ Ռեջեփ Թայիփ Էրդողանի հետ։

Պարզվել է, որ հանդիպումից հետո Շվեդիայի կառավարության պաշտոնյաներից մեկը Ստոկհոլկմի Արլանդա օդանավակայանի զուգարանում է թողել ՆԱՏՕ-ի անդամակցության վերաբերյալ պաշտոնական թղթապանակ, որը պարունակում էր Շվեդիայի վարչապետի և Թուրքիայի նախագահի միջև դաշինքի անդամակցության բանակցություններին վերաբերող փաստաթղթեր։

Այդ մասին հայտնել է Շվեդիայի առաջատար թերթերից «Dagens Nyheter»-ը։

Նշվում է, որ մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։

«Dagens Nyheter»-ը, հղում անելով իր աղբյուրներին, հայտնում է, որ թղթապանակի որոշ բաժիններ պարունակում են արտաքին հարաբերությունների գաղտնիության ենթակա տեղեկատվություն, և որ այդ փաստաթղթերը կարող են վտանգել Շվեդիայի հարաբերություններն այլ երկրների հետ։

Ժամանակին Թուրքիան դաշինքին Շվեդիայի անդամակցությունը պայմանավորում էր իր կողմից ահաբեկչական համարվող «Քուրդիստանի բանվորական կուսակցության» (ՔԲԿ-PKK) և գյլուլենական շարժման դեմ պայքարով։

Հիշեցնենք, որ Շվեդիայի անդամակցությունը ՆԱՏՕ-ին պաշտոնապես ավարտվեց 2024 թվականի մարտի 7-ին, երբ այն դարձավ հյուսիսատլանտյան դաշինքի 31-րդ անդամը։

Աղբյուր` nefes.com.tr