08:15, 19 Kasım 2016
Ռուս դեսպանի կածիքով Թուրքիայի հետ հարաբերությունների վերականգնմանը դեռ 1-2 տարի պետք է
Թուրքիայում Ռուսաստանի Դաշնության (ՌԴ) արտակարգ և լիազոր դեսպան Անդրեյ Կարլովը հարցազրույց է տվել թուրքական «Milliyet» թերթին, որի ժամանակ անդրադարձել է ռուս-թուրքական հարաբերություններին, ինչպես նաև տարածաշրջանային խնդիրներին:
Կարլովը, խոսելով 2015թ. նոյեմբերի 24-ին թուրքական օդուժի կողմից խոցված ռուսական ինքնաթիռի մասին, հիշեցրել է, որ այդ միջադեպից հետո ռուս-թուրքական հարաբերությունները 8 ամիս շարունակ ճգնաժամ ապրեցին: Հարաբերությունները նախկին մակարդակին հասցնելու համար, ըստ նրա, դեռ անհրաժեշտ կլինի 1-2 տարի: Կարևորություն տալով Թուրքիայի և Ռուսաստանի նախագահների ջանքերին՝ ռուս-թուրքական հարաբերությունների կարգավորման հարցում Կարլովը նշել է.
«Դեռ վաղ է ասել, թո լիովին կարողացել ենք վերադառնալ հարաբերությունների նախկին մակարդակին: Առևտրատնտեսական հարաբերություններ կան, բայց նախորդ 4 ամսում չենք կարողացել վերադառնալ նոյեմբերի 24-ից առաջ գոյություն ունեցող մակարդակին»:
Անդրադառնալով տարածաշրջանային խնդիրներին,Կարլովն ընդգծել է, որ Ռուսաստանը և Թուրքիան դեռևս տարբեր դիրքորոշումներ ունեն սիրիական ճգնաժամի հարցում:
Նա տեղեկացրել է նաև, որ Թուրքիայի վարչապետ Բինալի Յըլդըրըմի՝ դեկտեմբերին Ռուսաստան կայանալիք այցի ժամանակ, օրակարգային հարցերից են լինելու ռուս-թուրքական տնտեսական հարաբերությունները:
Դեսպանը հայտնել է նաև, որ «Թուրքական հոսք» գազատարի շինարարությունը Ռուսաստանը դիտարկում է որպես ԵՄ-ին տված պատասխան, քանի որ վերջիններս պատժամիջոցներ է կիրառում Ռուսաստանի դեմ:
Alıntı
İranist Begijanyan, Reisi’nin ifadelerini yorumladı: “Ermenistan'a baskı yapılırsa Tahran müdahale eder”
En Çok Okunan
Takvİm
Anket
Bu yıl Ermenistan ile Türkiye devlet sınırı iki ülke vatandaşları için açılır mı?
Pİyasalar
| EUR | TRY | USD |
| 549.84 | 90.05 | 485.12 |