Թուրքիա. Հայկական գերեզմանատունն ամբողջությամբ ոչնչացվում է

Իրավական09:11, 11 Հուլիս 2013

Թուրքիա. Հայկական գերեզմանատունն ամբողջությամբ ոչնչացվում է

Թուրքիայի Թեքիրդաղի նահանգի Մալքարա քաղաքի պատմական հայկական գերեզմանատունը ամբողջովին ոչնչացվում է: Ինչպես արդեն տեղեկացրել ենք, Մալքարայի քաղաքապետարանի կողմից հայկական գերազմանատան տարածքը և այնտեղ գտնվող մեկ հարկանի շինության կառավարման իրավունքի համար մրցույթ էր հայտարարել, որում էլ հաղթող էր ճանաչվել Թուրքիայում կառավարող Արդարություն և զարգացում կուսակցության Մալքարայի տարածքային խորհրդի անդամ Դեմիր Ալի Փալան: Վերջինս էլ հայտարարել էր, որ նշյալ տարածքում մտադիր է ռեստորան կառուցել: Թուրքական «Ռադիկալ» թերթի հաղորդմամբ՝ քաղաքապետարանի կողմից Փալային տրված կառավարման իրավունքը ալկոհոլային խմիչքների մատուցման իրավունք չի նախատեսում, սակայն Փալան, ակնարկելով , որ այդ հանգամանքը իր համար խոչընդոտ չի կարող լինել, ասել է . «Ես տարիներ ի վեր ալկոհոլային հաստատությաուն եմ աշխատեցնում, այստեղ էլ է ալկոհոլային խմիչքներ մատուցվելու: Եթե նույնիսկ թույլտվություն չստանանք, այցելուները իրենք խմիչք կբերեն»:

Գերազմանատան տարածքում առկա և դրա հարևանությամբ կառուցվող շենքի շինարարական աշխատանքները ավարտին են մոտենում, իսկ աշխատանքների ընթացքում ի հայտ եկած մարդկային ոսկորները ծածկվում են այլ վայրից բերված հողով:

Գերեզմանատան հարևանությամբ բնակվող մի հողագործ, որ սակայն, չի ցանկացել հրապարակել իր անունը, վերոնշյալ թերթի հետ զրույցում ասել է. «Մեկ ամիս առաջ է սկսվել շինարարությությունը: 15 օր առաջ հորդառատ անձրև տեղաց, ինչի հետևանքով նշմարվեցին ավելի վաղ հողի շերտով ծածկված կմախներ»:

Ադնան Յուվարլըք անվամբ մեկ այլ հողագործ էլ պատմել է, որ թանգարանի մասնագետները եկել են այստեղ և փորձել աշխատանքներ գտնել, ինչը իհարկե չեն գտել, քանի որ այդտեղից գողացված գերեզմանաքարերը օգտադործվել են քաղաքի ենթակառուցվածքների՝ այդ թվում կոյուղու շինարարության մեջ:

Մալքարայի նախկին քաղաքապետ, Ձախակողմյան ժողովրդավարական կուսակցության ներկայացուցիչ Ալի Աթըլգանն էլ ասել է, որ ինքը նույնիսկ գիտի այդ գերեզմանատանը թաղված վերջին հայի անունը, սակայն այդ պահին չի կարողացել մտաբերել: Նա հայտնել է նաև, որ դեմ է գերեզմանատան հետ կապված որոշմանը և հայտարարել, որ առաջադրվելու է քաղաքապետի առաջիկա ընտրություններին և հաղթելու դեպքում կպայքարի այդ որոշման դեմ:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։