Թուրքիա. Դիարբեքիրում հայերին պատկանած հողերի մի մասը հետ վերադարձնելու որոշում է կայացվել

Իրավական09:30, 15 Հուլիս 2013

Թուրքիա. Դիարբեքիրում հայերին պատկանած հողերի մի մասը հետ վերադարձնելու որոշում է կայացվել

Հայոց ցեղասպանությունից հետո չօգտագործման հետևանքով ավերակների վերածված Դիարբեքիրի Սուրբ Կիրակոս հայկական եկեղեցին, թուրքական կառավարության կողմից վերակառուցվել և անցյալ տարի կրկին վերաբացվել էր: Եկեղեցու վերականգնման աշխատանքների ժամանակ ի հայտ էին եկել 1910- 1921 թվականներին Դիարբեքիրից գաղթեցված հայերին պատկանող 190 սեփականության վկայականներ: Պոլսի Հայոց պատրիարքարանի ենթակայության ներքո գործող Սբ. Կիրակոս եկեղեցու հիմնադրամը, հայերին պատկանած տների, հողամասերի, աղոթատեղիների այժմյան տեղերը հստակեցնելուց հետո, դրանք վերադարձնելու համար դիմել է Դիարբեքիրի հիմնադրամների միության միությանը:

Թուրքական «Սաբահ» ինտերնետային օրաթերթի հաղորդմամբ՝ Դիարբեքիրի հիմնադրամների միությունը, ուսումնասիրելով դիմումը, հայերին պատկանող 17 ունեցվածքների վերաբերյալ, որոնց ընդհանուր տարածքը կազմում է 15 հզ. մ. քառակուսի, հետ վերադարձնելու որոշում է կայացրել: Մնացած 173 փաստաթղթերը, որոնք տրվել են 1910 թվականին և դրանից վաղ, ուսումնասիրության չեն առնվել՝ պատճառաբանելով, որ դրանք Օսմանյան շրջանից մնացած այժմ էլ իրավական ուժ չունեցող, հին փաստաթղթեր են և անհրաժեշտ է ներկայացնել մերօրյա փաստաթղթեր:

Սուրբ Գրիգոր հայկական եկեղեցու հիմնադրամի տնօրեն Վարդգես Էրգյուն Այըքը լավ սկիզբ է համարել 17 հայկական տարածքների գրանցումը որպես հիմնադրամին պատկանող տարածքներ: Նա նշել է, որ մնացած 173-ի համար էլ շարունակելու են պայքարը՝ տեղեկացնելով, որ առայժմ դիմել են կադաստրի գլխավոր վարչություն, իսկ խնդրի չլուծվելու դեպքում դիմելու են դատարան: Նշվում է, որ հայապատկան տարածքներն ու դրանց մի մասի վրա մնացած շինությունները, որոնք հիմնականում ներառված են քաղաքաշինական ծրագրի մեջ գնահատվում են մոտ 100 մլն, իսկ արդեն վերադարձրածները՝ 10 մլն թուրքական լիրա:

Դիարբեքիրի Սուր շրջանի քաղաքապետ Աբդուլլահ Դեմիրթաշն էլ հայերին օգնելու պատրաստակամություն հայտնելով ասել է, որ վերադարձվող տարածքներում եթե լինեն շինություններ, աշխատանքային վայրեր կամ տներ, կփորձեն դրանց տերերին դարձնել հիմնադրամի վարձակալներ: Իսկ անհամաձայնության դեպքում նոր հարցը կլուծվի դատական կարգով:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։