Հրապարակվել է Ստամբուլի Գեզի այգու վերաբերյալ FIDH զեկույցը

Իրավական09:37, 16 Հուլիս 2013

Հրապարակվել է Ստամբուլի Գեզի այգու վերաբերյալ FIDH զեկույցը

Մարդու իրավունքների միջազգային ֆեդերացիան (FIDH) Ստամբուլի Թաքսիմ հրապարակի Գեզի զբոսայգու համար ծավալված իրադարձությունները մտահոգիչ է որակել: Թուրքական «Ռադիկալ» թերթի հաղորդմամբ՝ ՝ «FIDH»-ի պատրաստած զեկույցում խոսվել է հատկապես ցուցարարների նկատմամբ կիրառված անօրինությունների մեղավորներին պարզելու ուղղությամբ իշխանությունների թերությունների և անփութությունների մասին:

«FIDH»-ը իշխանությունների կողմից որդեգրված կեցվածքը մտահոգիչ է համարել հատկապես այն դեպքում,երբ գործողությունների ընթացքում, մարդկային զոհեր են գրանցվել:

Ըստ զեկույցի` պետական իշխանությունները իրավիճակը հանդարտեցնելու, քաղաքացիների անվտանգությունը ապահովելու և մամուլի ազատությունն իր պաշտպանության տակ վերցնելու փոխարեն, դիտորդների և ցուցարարներին օգնություն ցուցաբերողների նկատմամբ իրական որս էր սկսել: Անվտանգության ուժերի անհամաչափ, շատ դեպքերում նաև հանցավոր տարրեր պարունակող միջամտությունները չեն կանխարգելվել:

5 ցուցարար է զոհվել

Զեկույցում թվարկվել է նաև զոհված հինգ ցուցարարների անունները, մահվան տարեթվերն ու պատճառները:

«Խաղաղ ցույցերի ընթացքում եղել են դեպքեր, երբ քաղաքացիական հագուստով անձիք հարձակվել են ցուցարարների վրա: Այդ դեպքերը և դրանց ընթացքում ոստիկանների ցուցաբերած անգործությունը նկարահանվել են սիրողական տեսախցիկներով:

Ցույցերի սկսվելու օրվանից ի վեր երբ արդեն հինգ մարդ է դրանց հետևանքով մահացել, որևէ հանցագործների, որևէ մեկին ձերբակալելու մասին որոշում դեռ չի կայացվել»,- նշվում է զեկույցում:

Ըստ զեկույցի` մեղավորների` դեռևս չպատժված լինելու հանգամանքը ժողովրդի մեջ իշխանությունների նկատմամբ անվստահություն է ստեղծում:

Ձերբակալվել և ճնշումների են ենթարկվել լրագրողներ

Զեկույցում նշվում է ոստիկաններ կողմից նաև այլ կազմակերպություններ առանց թույլտվության ներխուժելու և մարդկանց ձերբակալելու փաստեր:

Նշվում է հուլիսի 6-ին Կոմունիստական կուսակցության գլխավոր գրասենյակ ոստիկանների ներխուժման ու 23 մարդու ձերբակալության, հուլիսի 8-ի լույս 9-ի գիշերը ոստիկանության կողմից Մարդու իրավունքների շենքը առանց թույլտվության խուզարկելու փորձերը, փաստաբանների ձերբակալությունները և այլն:

Զեկույցի վերջում Թուրքիային կոչ է արվում դեպքերի ընթացքում թույլ տրված բոլոր խախտումներն ու հանցագործությունները վեր հանելու նպատակով ստեղծել անկախ միջազգային հանձնաժողով:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։