ՄԻԵԴ-ը դատապարտել է Թուրքիային Գեզիի դեպքերից տուժած քաղաքացուն վճարել 20.000 եվրո

Իրավական14:04, 23 Հուլիս 2013

ՄԻԵԴ-ը դատապարտել է Թուրքիային Գեզիի դեպքերից տուժած քաղաքացուն վճարել 20.000 եվրո

Ստամբուլի Գեզի զբոսայգու ցույցերի ժամանակ ոստիկանների կողմից ծեծի ենթարկված Ներգիս Իզջիի հայցի համաձայն Մարդու Իրավունքների Եվրոպական դատարանում ընդդեմ Թուրքիայի գործ էր հարուցվել: Ըստ «Հաբերթյուրք» լրատվական կայքի` ՄԻԵԴ-ը բավարարել է վերոնշյալ հայցը և անհիմն համարել ոստիկանության կողմից հասարակական կարգը ապահովելու, ինչպես նաև ցույցերը ցրելու նպատակով կիրառված մեթոդները: Ըստ մարդու իրավունքների եվրոպայի դատարանի որոշման Թուրքիայի ոստիկանության կողմից կիրառված մեթոդները հակասում են Մարդու իրավունքների եվրոպական կոնվենցիայի`«հանրահավաքների ազատության» մասին 11-րդ կետին:

Թուրքայի իշխանությունները դատարանին ներկայացրած պաշտպանության մեջ պնդել են, որ թուրք ոստիկանների վարքագիծը եղել է օրենքի սահմաններում: Սակայն նրանց չի հաջողվել հասնել ցանկալի արդյունքի, քանի որ մարդու իրավունքների եվրոպական դատարանի կողմից ներկայացված տեսանյութերում ակնհայտ երևում է թուրք ոստիկանների վարքագիծը: Եվրոպական դատարանում, հասարակական ցույցերի ժամանակ թուրք ոստիկանների կողմից կիրառված սաստիկ մեթոդների, ինչպես նաև «հանրահավաքների ազատության» օրենքի խախտմանը առնչվող 130 դատավարություններ դեռևս ընթացքի մեջ են: Միևնույն ժամանակ Թուրքիային հիշեցվել է Մարդու իրավունքների եվրոպական կենվենցիայի 46-րդ կետով ստանձնած պարտականությունների մասին: Ըստ ՄԻԵԴ-ի կայացրած դատավճռի` Թուրքիան պարտավոր է հայցվոր Ներգիս Իզջիին վճարել 20.000 եվրոյի բարոյական փոխհատուցում վճարել:

Հիշեցնենք որ, Մարդու իրավունքների եվրոպական դատարանը (ՄԻԵԴ) բավարարել է Մարդու իրավունքների կազմակերպության Դիարբեքիրի գրասենյակի հայցը` ընդդեմ Թուրքիայի: ՄԻԵԴ-ը մեղավոր էր ճանաչել Թուրքիային` 2006թ. մարտի 28-ին Դիարբեքիրում տեղի ունեցած մասսայական ցույցերի ընթացքում ոստիկանների կողմից անթույլատրելի քանակությամբ արցունքաբեր գազի կիրառման համար, որի հետևանքով մահացել էր 10 ցուցարար: Եվրոպական դատարանը Թուրքիային դատապարտել էր 15000 եվրո փոխհատուցման: Թուրքիան պետք է հոգար նաև դատական ծախսերը (5000 եվրո):

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։