Կոչ է արվում ոչ մի զինատեսակ չվաճառել Թուրքիայի ոստիկանությանը

Իրավական07:36, 14 Սեպտեմբեր 2013

Կոչ է արվում ոչ մի զինատեսակ չվաճառել Թուրքիայի ոստիկանությանը

«Համաներման միջազգային կազմակերպությունն» աշխարհի պետություններին կոչ է արել դադարեցնել Թուրքիային արցունաբեր գազ, զրահամեքենաներ և այլ զինամթերք տրամադրելը մինչև որ այդ երկրում երաշխավորվի բողոքի միջոցառումների մասնակիցների խաղաղ հավաքներն ու կամարտահայտությունը:

Մասնավորապես վերջին 3 օրերին Թուրքիայի տարբեր քաղաքներում տեղի ունեցող բողոքի զանգվածային ցույցերը և դրանք ցրելու համար ոստիկանների գործադրած ուժային միջոցները առիթ ծառայեցին, որ «Համաներման միջազգային կազմակերպությունը» հանդես գա վերոնշյալ կոչով:

Կազմակերպության հայտարարության մեջ նշվում է. որ Թուրքիայի ոստիկաններն իրավաչափ չեն գործում ցուցարարների դեմ գործողություններ իրականացնելիս:

Հիշեցնենք, որ օրերս ոստիկանների կողմից արձակված գազային պարկուճի հասցրած վնասվածքից մահացել էր 22-ամյա մի ցուցարար:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։