Ռասիսզմի դեմ պայքարող հանձնաժողովը Թուրքիային կոչ է անում բացահայտել հայ կնոջ սպանության ճշմարտությունը

Իրավական08:48, 19 Նոյեմբեր 2013

Ռասիսզմի դեմ պայքարող հանձնաժողովը Թուրքիային կոչ է անում բացահայտել հայ կնոջ սպանության ճշմարտությունը

Թուրքիայում մարդու իրավունքների պաշտպանությամբ զբաղվող կազմակերպությունը և Սամաթիայում սպանված հայուհի Մարիցա Քյուչուքի ընտանիքի դատապաշտպանը մամուլի ասուլիս են կազմակերպել, որի ժամանակ ընթերցվել է նաև Ռասիմզի և խտրականության դեմ հանձնաժողովի մամուլի հաղորդագրությունը:

Հաղորդագրությունում նշված է. «2012 թվականի նոյեմբերի 28-ից մինչև 2013-ի հունվարի 26-ն ընկած ժամանակահատվածում, որի ընթացքում և սպանվել է Մարիցա Քյուչուքը, Սամաթիայում տարեց հայ կանանց նկատմամբ հարձակումներ են տեղի ունեցել, որոնք ուղեկցվել են ուժի կիրառմամբ և ունեցել են միմյանց շատ նման ձեռագիր: Թուրֆանդա Աշըքը երկար ժամանակ եղել է հիվանդանոցում, նա կորցրել է մեկ աչքի տեսողությունը, իսկ Սուլթան Այքարը կուրացել է: Արդյո՞ք Մարիցա Քյուչուքը և մյուս հայ կանայք ատելության զոհ են դարձել: Պետության պարտականություն է ի հայտ բերել ճշմարտությունը»:

Ըստ թուրքական «Բիր գյուն» լրատվական կայքի՝ Քյուչուք ընտանիքի դատապաշտպան Էրեն Քեսքինն անհանգստություն է հայտնել, որ դատական արձանագրությունների համար գաղտնիության որոշում է կայացվել և իրենք այդ արձանագրությունները չեն կարողացել ուսումնասիրել միչև դատի սկսումը:

«Նրանց նպատակը հենց դա էր: Արձանագրությունը հրապարկվելուց հետո մեկ և կես էջանոց մեղադրական եզրակացության առջև մեն մենակ մնացինք: Մի քանի հայ կին հարձակման էին ենթարկվել, բայց դրանցից և ոչ մեկը լուրջ չէր ընդունվել»:

Դատապաշտպանը, խոսելով հարուցված քրգործով որպես կասկածյալ անցնող Մուրադ Նազարյանի մասին, նշել է, որ եթե անգամ նա մասնակցություն է ունեցել տվյալ հանցագործությանը, միևնույն է, միայնակ չէր կարող այդ ամեն անել: «Նազարյանը հայտարարություն չի անում, քանի որ վախենում է: Նրա ձերբակալումից հետո հանդիպեցինք նրան, լալիս էր: Հնարավոր է, որ վախեցրել են և այդ պատճառով էլ չի խոսում»,-շեշտել է Քեսքինը:

Նազարյանը դատական վերջին նիստի ժամանակ հայտարարել էր, որ Մարիցա Քյուչուքին սպանել են 3 հոգի, որոնք էլ իրեն սպառնացել են: «Նրանք զինված էին: Սկզբում ինձ ծեծեցի: Տան դանակներից մեկն են օգտագործել: Հենց առաջին անգամ դանակով խփեցին, ես վախեցա և փախա: Իսկ երբ տուն էինք մտել, մատս կտրեցին և քսեցին մի թղթի վրա, որը հաշիվ-ապրանքագրի էր նման: Ինձ սպառնացել են, ես վախից չեմ խոսել»,- ասել էր Մուրադ Նազարյանը:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։