ՄԻԵԴ. Հայոց ցեղասպանության հերքումը խոսքի ազատության իրավունքի սահմաններում է

Իրավական11:44, 17 Դեկտեմբեր 2013

ՄԻԵԴ. Հայոց ցեղասպանության հերքումը խոսքի ազատության իրավունքի սահմաններում է

Մարդու իրավունքների եվրոպական դատարանը (ՄԻԵԴ) բավարարել է Հայոց ցեղասպանությունը ժխտելու համար շվեյցարական դատարանի կողմից մեղավոր ճանաչված Դողու Փերինչեքի հայցը: Այս մասին տեղեկացնում է թուրքական «Ռադիկալ» պարբերականը:

Դողու Փերինչեքը 2005 թ. Շվեյցարիայում մի կոնֆերանսի ընթացքում հայտարարել էր, թե Հայոց ցեղասպանությունը իմպերիալիստական ուժերի սուտն է, որից հետո նրա դեմ գործ էր հարուցվել, և Փերինչեքը դատապարտվել էր 90 օր պատժաչափի։ Սակայն պատժաչափը փոխարինվել էր դրամական տուգանքով։ Փերինչեքն այս որոշման դեմ հայց էր ներկայացրել Մարդու իրավունքների եվրոպական դատարան։
Ըստ աղբյուրի ՄԻԵԴ-ը վճռել է, որ Հայոց ցեղասպանության հերքումը խոսքի ազատության իրավունքի շրջանակներում է:

Իր հայցում Փերինչեքը նշել է, թե իբր Շվեյցարիան իր որոշմամբ խախտել է Մարդու իրավունքների եվրոպական կոնվենցիայի խոսքի ազատության վերաբերյալ 10-րդ և 7-րդ հոդվածները:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։