Ստամբուլցիներն ընդդեմ ինտերնետային գրաքննության

Իրավական11:50, 20 Հունվար 2014

Ստամբուլցիներն ընդդեմ ինտերնետային գրաքննության

Թուրքիայում համացանցի (ինտերնետ) օգտագործման վերաբերյալ նոր օրինագիծը դժգոհության ալիք է բարձրացրել: Ստամբուլում շուրջ 2000 հոգի դուրս է եկել փողոց` իր բողոքն արտահայտելու ընդդեմ օրինագծի, որի ընդունման դեպքում կառավարությունը իրավունք է ստանում մուտք գործել ցանկացած օգտատերի անձնական հաշիվ. այդպիսով հասանելի են դառնում այդ օգտատերերի ինտենետային տվյալները:

Բացի այդ կառավարությունը իրավունք ունի արգելափակել ցանկացած ինտերնետային հաշիվ` առանց դատական թույլտվության:
Ցուցարարներից մեկը ասել է. «Մենք այստեղ ենք, որպեսզի պաշտպանենք համացանցից օգտվելու մեր իրավունքը: Գրաքննությունը հանցագործություն է»:

«BBC»-ի թուրքական ծառայության տեղեկացմամբ`ոստիկանությունը փորձել է ցրել ցույցը` օգտագործելով ջրցան մեքենաներ և արցունքաբեր գազ:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։