Թուրքիայում 320 պատգամավոր պատրաստվում է դատի տալ ընդդմիադիր գործընկերներին

Իրավական09:55, 25 Հունվար 2014

Թուրքիայում 320 պատգամավոր պատրաստվում է դատի տալ ընդդմիադիր գործընկերներին

Թուրքիայում իշխող «Արդարություն և զարգացում» կուսակցության (ԱԶԿ-AKP) 320 պատգամավոր իրենց գող անվանելու համար ընդդիմադիր «ժողովրդահանրապետականներ»-ի դեմ պատրաստվում են հայց ներկայացնել դատարան: Վարչապետ Էրդողանի գլխավորած «ԱԶԿ»-ի խորհրդարանական խմբակցության ղեկավար Բելմա Սաթըրը հայտնել է, որ նիստերի դահլիճում ընդդիմադիր պատգամավորները շարունակաբար ԱԶԿ-ականների հասցեին ռեպլիկներ են թողել` «գողերը եկան, այստեղ գողեր կան»:

Ըստ թուրքական «Ջումհուրիյեթ» օրաթերթի` Բելմա Սաթըրը, ելույթ ունենալով խորհրդարանի ամբիոնից, ընդդիմադիր գործընկերներին զգուշացրել է որ դատարան են դիմելու իրենց հանիրավի գող անվանելու համար:

«Մենք այստեղ չենք եկել շքեղ առանձնատներից: Մեր ընկերներից ոմանք դեռ չեն կարողանում մարել իրենց վարկերը»,- ասել է իշխանական պատգամավորը:

Ի պատասխան ընդդիմադիր «Ժողովրդահանրապետական կուսակցության» պատգամավոր Մուհարրեմ Ինջեն ասել է, որ նման քայլով իրենց փորձում են լռեցնել, բայց, մեկ է, իրենք չեն լռելու:

«Մենք գող չենք անվանել ձեզ բոլորիդ, մենք գողին ենք գող ասել»:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։