Ֆրանսիան Հայոց ցեղասպանության ժխտումը կանխելու համար օրենսդրական փոփոխություն կկատարի

Իրավական14:06, 30 Հունվար 2014

Ֆրանսիան Հայոց ցեղասպանության ժխտումը կանխելու համար օրենսդրական փոփոխություն կկատարի

Ֆրանսիայի արդարադատության նախարար Քրիստին Տոբիրան հայտարարել է, որ Ֆրանսիայի կառավարությունը աշխատում է Հայոց ցեղասպանության ժխտումը դատապարտող նոր oրենսդրական փոփոխության վրա:

Թուրքական «Ջիհան» լրատվական գործակալությունը հայտնում է, որ նախարարը, ով մասնակցել է Ֆրանսիայի հայկական կազմակերպությունների համակարգող խորհրդի (CCAF) կողմից մատուցված ամենամյա ճաշկերույթին, նշել է, որ երկրի նախագահի պարտավորությունների շրջանակում կառավարությունը Սահմանադրության, Եվրոպայի և Ֆրանսիայի միջազգային սկզբունքներին համապատասխան օրենսդրական փոփոխություն է պատրաստում:

CCAF-ի համանախագահ Մուրադ Փափազյանը իր հերթին նշել է, որ վստահում են նախագահ Ֆրանսուա Օլանդին, ով օրեր առաջ Թուրքիայում վերահաստատել է, որ Հայոց ցեղասպանության ժխտումը քրեականացնող նոր օրինագիծ կընդունի:

CCAF-ի ամենամյա ընթրիքին մասնակցել է նաև ֆրանսիացի մտավորական Բերնարդ-Անրի Լևին, ում հանձնվել է այս տարվա արիության մրցանակը՝ Հայ դատին ցուցաբերած աջակցության համար:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։