Թուրքիան օրինականացրել է համացանցի գրաքննությունը

Իրավական07:09, 07 Փետրվար 2014

Թուրքիան օրինականացրել է համացանցի գրաքննությունը

Թուրքիայի ազգային մեծ ժողովն օրենք է ընդունել, որն օրինականացնում է համացանցի գրաքննությունը:

Օրենսդրական նոր կարգավորումը հակասական կարծիքների պատճառ է դարձել ինչպես Թուրքիայում, այնպես էլ արտերկրում:

Թուրքական «Ռադիքալ» թերթը ներկայացրել է թե՛ կողմ, թե՛ դեմ կարծիքները:

Թուրքիայի տրանսպորտի, ծովագնացության և կապի նախարար Լյութֆի Էլվանը նշել է, որ կառավարությունը չի արգելում համացանցը, ընդհակառակը վերացնում է համացանցի արգելակմանը նպաստող մեխանիզմները:

Իսկ ահա «Ինտերտնետ-մատակարարների միության» գլխավոր տնօրեն Թայֆուն Սըրմանը օրենքը որակել է ամոթալի:

Բացասական գնահատականներ են հնչել նաև Եվրոպայից: Եվրախորհրդարանի նախագահ Մարթին Շուլցը, արձագանքելով օրենսդրական փոփոխության ընդունմանը, նշել է, որ այն մամուլի ազատության տեսանկյունից հետընթաց է: Իսկ Եվրամիության հանձնաժողովն ընդգծել է, որ օրենսդրական փոփոխությունը եվրոպական չափանիշների տեսանկյունից վերանայման կարիք ունի:

Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։